على طاري الفرقى وطاري سواد الليل
وذكرى المحبه يومها تهز وجداني
وشوفتك يالمزيون وانته تضم اكليل
وردٍ يفوح عطور مهديه لك عاني
على طاري ألحانٍ تهز المشاعر حيل
وذيك القصايد فيك وحروف قيفاني
أجدد وداعي واعتبرها نهاية جيل
بدا وانتهى حبه ولا عاد له ثاني
أجدد وداعي وانت خابر دروب السيل
حدور بحدور وغيث تهله أعياني
وتبقى على القمه ولا يعتريك الميل
وتبقى مثل ماكنت يابلسم أحزاني
أحبك ولو إني من الحب ذايق ويل
ولكن غلاك وماطرى جدد الفاني
ولا ابغى سبايب ما حصل لي ولا تعليل
خلاص انتهينا قولها لي على شاني
الخميس سبتمبر 05, 2024 2:45 pm من طرف oday Othman
