على طاري صباح الورد

على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه

على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه

يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه

أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه

تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه

تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه

قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع الـي لأجلـك أفنيتـه

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه

دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليته

صباح الورد يا خلي يلامس وجنة المشتاق
صباح الشوق لاهل الشوق كل الشوق يهنا بك

صباحك يا خويّ العطر تتعطر معاه أعناق
تهل بطبعك الرايق ومن ريقك حلا اصباحك

صباح يصحي اللهفة وقبل الفجر هل اشراق
ضيا وجهك يصحيني واعرف ان الفجر زارك

بهمسات الغلا تهمس تحاكي خاطرن تواق
تلامس خافقي بكلمة أحبك تفضح أسرارك

تناديني بعذب الصوت يا؟؟؟؟ حبيبك فاق
علامك يا ربيع العمر مختبية بأحلامك

وانا ما بين همساتك اخبي داخلي لشواق
عليك اتغنج بطبعي احب اجنن احساسك

ولكنك تعرف الي يذوبني وكيف انساق
تجي وتقول يا عمري حبيبك حيل محتاجك

أفز ولهفتي لاجلك ولحضانك اجي بعناق
اذوب بشوق يغمرني تلحفني بأنفاسك

حبيبي يا حلو اصباحك بقربك كل شي راق
أبيك بفجرك وليلك يَزين الوقت لا جابك

اختيار ذوووق
يسلموو ياقلبي
ماننحرم من روعة طرحك

يسلموووووووووووو ياقلبي على مروك الراااااااااااااااااااائع

الله لايحرمني من طلتك الجميله

وحضورك الراقي

دمتي بحب

صح لسانك جنون جنيفا

صباح الورد

أحبك كثر ما يشعل ,
غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك
دمعتـ(ن) طاحت , على خد الصباح اشـروق
يموت النور لـو طاحـت , علـى
كفـي وضميتـه أحبك كثر ما يشعل ,
غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك
دمعتـ(ن) طاحت , على خد الصباح اشـروق
يموت النور لـو طاحـت , علـى
كفـي وضميتـه

يسلمووووووووووووووووووو ايديكي

» على طاري صباح الورد..والحلا والذوق
» صباح الورد لكل الاحبة هنا
» صباح الحب - صباح الخير حبيبيl
» على طاري الشوق
» ((( على طاري الفرقى )))