من اشعار علي بن مساعد

يارب وش ها الجنون اللي سكن دمي
خلاص مافيه طاري غير طاريها
ماهي مثل ضحكة إعيالي وغلا امي
هي غاليه بس مدري ويش أسميها
مرات كني طفل أقول يا عمي
يلعن أبو الساعة اللي شفتها فيها
وهناك أجلس وأغطي راسي بكمي
وأقول لو ما تجافيني بجافيها
وإن شفتها أذكر الرحمن وأسمي
وأصفي النيه اللي كنت ناويها
هاالآدميه أضيع إن شفتها يمي
وأتوه في كلمتي وأفقد معانيها
لو صرخه في حشاية توصل لفمي
لازعج بها الأرض واللي ساكن فيها
هاتي همومك وحطيها على همي
هي خاربه .. خاربه خليني أعميها