باصات الزرقا الاتوستراد

زائر

[ندعوك للتسجيل في المنتدى أو التعريف بنفسك لمعاينة هذه الصورة]

يسعدلي صباحكم
زمان الواحد ما تذمر

قلنا خلينا نيجي نفضفض شوي

المهم وشو الكم بطولة السيرة
أنا مؤمن جدا بأن كل واحد بصنعته ملك ..... ما في خلاف
أنا ما بقدر أصير مواسرجي على سبيل المثال ولكن مره لما عصبت الساعه 3 الفجر لما فقعت حنفيه المطبخ ركبت حنفيه بكل مهنية واحتراف بس من القهر مش أكثر عشان انا كنت مضطر يعني المهم نفوت في الموضوع

أحبابنا اصحاب باصات الزرقا الاتوستراد والي انا مضطر بشكل شبه يومي لازم أروح معهم

عشان معظم حفلاتنا في الزرقاء ألأحلى والأجمل
هاظ أول ما توصل الباص وما كان في دور بتلاقي الأخ الحبيب الكنترول بانتظارك أول كلمه ترحيبيه بتكون يالله يالله الباص طالع يالله يلعن ........ من يوم
روعه احنا منحكي انه الزلمه مخنوق من الشغل ولازم نلتمس لأخونا المسلم عذرا
فوتنا الباص .. وقعدنا في الكراسي الي بتسبب كل ألام الظهر في العالم وطبعا الباص بيجي من بلاد أهله 18 كرسي بس في باصات الزرقاء بقدرة قادر بتصير 150 كرسي ما بتعرف كيف
المهم .. ركبنا الباص بأمان الله واجا الشوفير ولازم جدا يكون في ايدو كاسه بلاستيك في مشروب غريب بشبه القهوه وأول ما يقعد وقبل ما يشغل الباص ينطق في كلمته المشهوره ( الي معاه سيجاره يرميها من الشباك ) يالله
طبعا ما حدا أصلا بكون بدخن غيره وغير الكنترول بس هم عشان يا حرام 24 ساعه في الباص معذورين شو بدهم يعملو ما علينا وبتبلش المناغشات بين السائق والكنترول بالطريقة الأردنية المعروفه ( التطعيم ) بغض النظر في عالم ولا ما فيه عادي الموضوع عندهم بعدين ببلش حبيبنا الكنترول يلم في الاجره وبرضه أول اشي بعمله قبل قيامه بهالعمليه يا شباب بدنا فراطه واذا كانت مقبعه معا أهله برضه برجع يطعم على اليوم والساعه والزمن وشوفير الباص واذا كان محترم اكثير ما بوصل للركاب .... هاظ اذا كان مش محبب لأنو نفسي الاقي حدا في وظيفة كنترول يكون من كوكب الأرض كلهم من كوب أخر لسه ما بعرف أصله من وين
ولما يتحرك ويمشي الباص ببلش سباق المليون ميل ووالله هون موضوع السرعه يتوقف على عدة عوامل أهمها هل شوفير الباص متضايق ولا مش متضايق وع العموم الجهتين واحد وما ننسى الأغاني الي بترافق الرحله يا حبيبي زمان كان يحطو عبد الكريم عبد القادر وحاتم العراقي وهاني شاكر
بس هسى لع ... تغير الموضوع صارو يحطو أغاني نور سوريا الله يذكرهم بالخير ويا ويلك اذا بتحكي لأنه الأخ بدو يسمع يعني لا تقاطعه في عندك كنترول هو المتحدث الرسمي في أمور الوقوف والتوقف أما الشوفير خط أحمر لا تحكي معاه لأنه متضايق
يا جماعه كل مره بركب فيها باص الزرقا باجي بدي أبطل من الفرقة وبعدين بقول يا ولد طول بالك شو بدك تعمل معلش .... وسؤال هو هل يعتبر الشوفير والكنترول ملوك في صنعتهم أو في عملهم ؟؟؟؟؟؟؟؟ مش عارف
بس عن جد في أمور ما بقدر أحكيها والي جرب الباصات بعرف شو بصير فيها مصايب

وشكرا لحسن الاستماع

وأحسن الله خاتمتنا جميعا

علوش الرائع

فشة غل من الاخر على الصبح

خليني ادخل معك بالموضوع

طبعا اكيد الكل بيعرف الفايروس الكبير المسمى بالكنترول....وهو بالفعل فايروس لانه بينقل كل اشي عاطل على كوكب الارض بحكم انه مش من كوكبنا...يعني تعال شوف المسبات اللي بتطلع منه وعداك عن عادة التكفير وسب الدين...لعنهم الله...وكمان الاخ بيكون مش متحمم من 13 سنة وحاطط 2 كيلو جل على شعره ووقية سمنه بلدي وبرضه مش ماشي الحال معه...لانه بالاساس هو تم تعيينه بالمهنة لعدة مواصفات اذكر
منها على سبيل المثال لا الحصر...تعليمة بوجهه...وشم على الكف..وبيعرف على لا باس به من الزعران في المخيم...وهدول بيتم استدعاءهم عند الحاجة...وهو اصلا بيكون راغب هاي المهنة طمعا في تزبيط الصبايا
فاول ما تيجي بنت شقفة - على قولتهم - بتلاقي قعد على الكرسي اللي بيكون هو حاجزه الها واذا حدا ساله بيقول هاي بنت خالتي زي العادة طبعا..وبيضل طول الرحلة وهو يسبل بعيونه اللي مو معروف لونهم من الوسخ...وكل شوي بيسالها وين نازلة - ياختي - وتستعمل كلمة ياختي عند الشعور بالعجز من تزبيط الشقفة...ومع هذا الشعور لازم يطلع سيجارة من الباكيت المطعوج ويولعها والله لا يشمم حدا ريحة دخاه
والسيجارة طبعا لا تمسك باليد بل بالشفايف فقط وهاد دليل على الخبرة بالتدخين والممارسة المتواصلة له.........

المهم كل الهدف من موضوع الكنترول والتعب والحوادث والبهادل ...هو انه يصير شفير نفس الباص بس بيكون بده يسمع اغاني على كيفه هو مش على كيف شفير الباص الحالي

خليها على الله يا مواطن

طبعا انا سيد من ركب الباصات

وياريت تفضولنا الساحة عشان الكيكة

زائر

بااااااااااااااااااااااااااااسم

رووووووووووووعه

عن جد فشيت غلي

ونسمع زئفه أوية للعرسان

يا جماعه معقوله في فالاردن هيك

معقوووووووول

انا بعرف انه الكنترول بيكون امور ومؤدب جدا

ويا دوب تسمع صوته

ونطالب الحكومه بان تكافئهم على مجهوداتهم في خدمة الوطن والمواطن

يا جماعه بمزح

طبعا للي ما بيعرفه من اخواننا الي خارج الاردن وهوه انه الكنترول
لشخص الذي يحصل النقود في الباصات الخاصه

وهوه فالعاده يكون شاب صغير وضروري جدا يكون ازعر ومحبحب يعني بيتناول الحبوب المهلوسه والمخدره

وما تنسو الشوفير وهوه بيكون قائد هذه المركبه الفضائيه وبيكون مش مصدق حاله برضو ضروري يكون ازعر او ازعر سابق........الخ

الله يكون بالعون علاوي

زائر

زعيييييييييييم

شكرا على التوضيح

واشكر قدومك سيدي

علوووووووووووش

والله مو عارف كيف ابدى

الموضوع مزعج جدا وخصوصا احيانا كنت اضطر لاخذ زوجتي مشوار معين بالباص

وطول الطريق مجهز نفسي لمشلكة مع الكنترول اذا فكر يخفف دمه

ولكن ولله الحمد ما صار ولا مرة

بس بدك المزبوط والله معذورين

اي شو بستنى من واحد عمره لا يزيد عن 15 سنة ومش متعلم ابسط امور الذوق

ومع هيك لازم الحكومة اتشوف حل في هذا الموضوع اما بألغاء موضوع الكنترول او على الاقل بأعتباره

وضيفة رسمية لها شروطها يعني بالله عليك لو فكر سائح يركب بالباص ويجرب شو بدو يصير فينا

واحلى تحية لابو رشدي والد العريس

زائر

[ندعوك للتسجيل في المنتدى أو التعريف بنفسك لمعاينة هذه الصورة]

مافي عنا باصات ولا كنترول هون

[ندعوك للتسجيل في المنتدى أو التعريف بنفسك لمعاينة هذه الصورة]

زائر

الله يحيي ابو رشدي

حبيبي أبو زيد

الحمد لله الي عمرك ما جربت النوعيه الرائعه الي منحكي عنها

مع انهم روووووووووووووووعه

وألف مبروك للعرسان

زائر

فرااااااااااااااشه

لا كنترول ولا باص

لا حول ولا قوة الا بالله

بحب احكيلك انك اخسرتي فرضة التعرف على هيك شعب نايس على الأخر

عاشووووووووووووووووووووووووووووووووو

اشتري سياره وريح راسك !!!!!!!!!!

خخخخخخخخخخخخخخخخ 114

ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه

والله جبتوها من الاخر

منور سمسم

والله تخيلت هذيك الايامو انا اقرا الموضوع
الله لايعيدها من معاناة
بس والله كانت حلوة ههههههههههههههه
انا اصلا من سكان الزرقاء وكنت يوميا اطلع بباصات العبدلي
وخبركم كفاية
واللي كتبوه الشباب بيعبر عن معاناة الجميع
كفوا و وفوا

» اغنيه الزرقا .. عمر العبدلات
» مواقف باصات
» صور باصات في اليابان من بره وجوا
» انطلاق باصات لندن الجديده