احلى كلام ...... كلام شباب بلادنا

إتعالوا سوا لنتعرف على مصطلحات شباب بلادنا

تعربش : إمسك بقوة .. وعادة تستخدم للتحذير من الإنزلاق أو السقوط ..

أقظب : نفس معنى إمسك ، وقد تستخدم للتمسك بشيء معين

مدعدر: متورم أو منتفخ...

معنعن: يمشي بكبرياء أو نافخ ريشه

طراحة: فرشة أو جنبية

قيشانية: زبدية أو حمامية

زت أو ورر: إرمي

فطرز: تشقلب

فكح: مزط او هرب

تلولحي يا دالية: تقال للشخص النحيف جدا وبترخرخ لدرجة الهبل

الطنط: وهو اللي بحكي ياااااي لما يشوف اشي بعجبو

مهوي: يعني ولا حبة – ما في عقل

حفرتل: نوري

دير بالك عحالك: اسلوب تهديد غير مباشر

عندي موضوعك - : تقال عند الاستعداد التام لتقديم خدمة ما

حصتي (بضم الحاء): تُقال عند وجود علاقة صداقة أو مصلحة قوية تربط بين شخصين

ولا إشي!! : تقال للتعبير عن الدهشة من شدة موقف ما، وتلفظ على النحو التالي : إمّا بتشديد الكلمات أو كما يلي : ولااااااااااا إشي

إجبد : ُستخدم عند الإعجاب بموقف شخص ما

شو بالنسبة !: تُقال عند الاستغراب من شيء أو شخص

صااااااااااااح؟ : للتعبير عن الموافقة التامة

كيف حالك إنت ؟: تقال لمن يقول شيئا غريبا أو غير منطقي

طقع : أشهر من أن تعرّف... تُستخدم للتعبير عن الإعجاب الشديد

*********************

بعض الأقوال السائدة

إشي فاخر من الآخر

اديني على طواحيني وركز عالسوسات .

بتتخوث يا ملوث...: تقال لمن يحاول أن يخفف دمه وبتهبّل وهو فش أزنخ من دمّه

متظايق انزل عل الحظايق

حيران اقعد في البستان

ارفع اجرك لفجرك...

ارفع ايدك لبيدك

إبعد سنك لأرنك

هسا بكبسك بلمسك

برنك كف بخلي سنانك يلعبو زقطة ولسانك يطلع فرصة

مش علينا احنا ملينا

ميل يا برميل

امشيعرمشي ... ودوس عقلبي ... وسحسل (تزحلق) عدربزين شواربي ... حنّ علينا وخدأواعينا ... يلعن أنا ... يا الهنا ريتني كنت أنا ... اضربني شفرة .... منالذان (الأُذن) للذان... من الصرّة للغرة... من الشفة للحفة:عبارة تقالللغزل عند مشاهدة فتاة جميلة

دندرة: للتهويل في وصف شيء عادة ما يكون مثيرا للإعجاب عند أوساط الشباب ، مثل فلان قلبها دندرة في الحفلة.......

ينعن عمري (يلعن عمري) : للتعبير عن الإعجاب بفتاة جميلة

هههههههههههههههه
يعطيك العافية ابو صالح على الموضوع الحلو

في مصلحات جديدة نازلة بالبلد متل

كيف حالك لحالك؟؟؟؟
كيف حالك ومعاك حدا؟؟؟
سلامتك محلا بجامتك : تقال عندما يراد الاستهزاء من راي شخص ما
اخا بتشديد الخاء وفتح الالف وتقال بمعنى (من عقلك هالحكي)

يعطيك العافية

وفي كمان (اطلع من راسي وسكر الباب وراك ) تقال لشخص دمو ثقيل وبطلب شغلات مو بوقتها وهي مثل حل عني