له العديد من الأعمال الشعرية التي لاقت صدى واسع في الشارع المصري والعربي، مثل قصيدة
جحا والتي تنتقد الحكومة المصرية بشكل لاذع و
آخر ما حرف في التوراة و
3 خرفان اللتان تنتقدان الحال العربي الذي وصلت إليه الأمة العربية.
ويدخل هشام الجخ مسابقة أمير الشعراءلعام 2010 وهي المسابقة الأكبر لشعر الفصحى في الوطن العربي بقصيدته الشهيرة:
إنطردي الآن من الجدول وقد تخطى هشام المراحل الأولى من التصفية بالمسابقة وحصل على إشادة من
لجنة التحكيم بالإجماع والتي تضم عمالقة النقد الأدبي في الوطن العربي على
رأسهم الدكتور صلاح فضل.
يطمع هشام الجخ في الحصول على لقب المسابقة ليصبح الشاعر المصري الأول
الذي يحصل على اللقب بعد مرور أربع مواسم على المسابقة ويتمنى الجخ أن يحصل
على اللقب المرتبط أصلاً بأمير الشعراء المصري أحمد شوقي.
وقد غنى
فريق بساطة لهشام الجخ العديد من القصائد مثل
أباتشي و
مش كفاية و
مزحوم يا قطر الغلبانين ويعرف جمهور القاهرة وبالتحديد ساقية عبد المنعم الصاوي بالزمالك هذا الفريق ورآه يغني لهشام الجخ ولاقت قصائد الجخ إعجاب الجمهور.
يتمنى هشام الجخ كتابة أغاني لكبار المطربين أمثال محمد منير وأنغام وأصالة،
وكانت المطربة أصالة في لقاء لها على قناة الـ MBC أعلنت نيتها عن التعاون
مع هشام الجخ مستقبلاً. يتواصل هشام الجخ مع جمهوره في كل محافظات مصر وفي
العديد من الدول العربية بحفلاته والجروب على شبكة التواصل الاجتماعى
والتي يقيمها بشكل دائم حيث يلقي الشعر على أنغام عازف العود محمد سعد وأقام العديد من الحفلات في ساقية الصاوي
بالقاهرة ونقابة الصحفيين وحديقة الأزهر والجامعة الأمريكية بالقاهرة
وجامعة طنطا وجامعة أسيوط وإسكندرية والعريش والمنوفية وغيرها من المحافظات
كما أقام حفل بالإمارات في مدينة الشارقة وحضره حاكم الشارقة والعديد من
كبار المسئولين هناك ولاقى استحسان كبير وإشادة من الحاكم والجمهور العربي
الإماراتي والجالية المصرية هناك.
ألقى هشام الجخ بحفله في الإمارات العديد من أشهر قصائده على رأسها
3 خرفان التي تنتقد الأمة العربية و
سري جداً إلى البحر و
أيوة بغير و
عبروا الرجال و
إنسحبوا و
24 شارع الحجاز و
مش كفاية ورفض رفضاً تاماً إلقاء قصيدة
جحا التي تنتقد الحكومة المصرية وعلق قائلاً نحن لا نتاجر بقضايا بلادنا، نعم
ننتقد الحكومة المصرية ولكن ننتقدها في مصر فلماذا ننتقدها خارج مصر ؟!
لهشام الجخ الكثير من القصائد والتي رفض أن يجمعها في ديوان شعري لأنه
يفضل أن يسمعه ويراه محبيه وهو يلقى القصائد على المسرح ويحلم أن يعود
الشعر إلى مكانته التي كانت عليها في الماضي ويسمعه الناس، ومن أبرز
القصائد الشهيرة لهشام الجخ والتي يطلبها جمهوره بشكل دائم في الحفلات :
إيزيس
وأيوة بغير وسري جداً إلى البحر وشيماء يا مكة ونانا وقصيدة سكرانة
والجدول ونانا وأباتشي ومش كفاية ومزحوم يا قطر الغلبانين وقالولك ومكنتش
هناك والتأشيرة وآخر قصيدة وغيرهموهذه واحده من قصائده الرائعه
القصيدة الاولي
(جحا)
عن حال مصر شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة
كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
حصريآ في ملف واحد للأستماع ام بي ثري
روابط مباشرة بدون لف ولا دوران
روابط متعدده
حجم الملف 85 ميجابايت
التحميلأضغط هنا لتحميل الملفأوأضغط هنا لتحميل الملفأوأضغط هنا لتحميل الملفأوأضغط هنا لتحميل الملفحصرياً و بإنفراد جميع قصائد هشام الجخ VBR Q 64Kbps بصيغة Mp3 على أكتر من سيرفر مباشراضغط هنا للتحميل
الأحد مايو 05, 2024 5:30 am من طرف كومانش
