انا الغريب

موضوع: انا الغريب السبت نوفمبر 06, 2010 4:55 am

الشاعر سليمان المانع العنزي انا الغريب

انا الغريب وغربتي وسط ناسي *** وانا الحزين ودمعتي فوق الاوجان

كل مانظرة الوقت ظالم وقاسي *** مايرحم الي دمعته بين الاجفان

ياوقت قلبي في حمي الوطاسي *** اما أنجرح ولا غريبٍ وحيران

ياوقت تدري في ظروفي وباسي *** ياوقت ليه تحدني لـ دمع الاعيان

أرحم عيون دمعها مايقاسي *** أرحم قليبٍ دايم الدوم هيمان

هذي حياتي كلها في لباسي *** مايعتدل وضعي على مر الأزمان

ماتطفي النيران وراقٍ يباسي *** بالعطس تظفي مع النار نيران

ماينفع المجنون زين اللباسي *** وماتنفع الدمعه ليّا صرت عطشان

كثر الهموم ياوقت شيّب بـ راسي *** مدري رداة الحظ أو صرت غلطان

كل ماجي للناس غريبٍ بناسي *** هالوقت مالي مع الخلق خلان

ماأمتدح نفسي عريبٍ بـ ساسي *** ولد حموله صدق مـاحنا بـ صلبان

الجد وايل بالاصل له مراسي *** كل العرب تشهد في نسل عدنان

محنا صلب ونفتخر بـ الفلاسي *** لكن فخرنا بالنظر شوف الاعيان

يمكن تسائل وش حدني للحماسي *** يمكن تسائل وش بك اليوم زعلان

اكيد ماجربت حر الماسي *** اكيد ماجربت جورٍ وحرمان

ارضٍ رعت خيرتها للوداسي *** باعشِ باخشوين باشميل إخوان

الليل الأسود والبطاقه سواسي *** شبابنا ضايع والحال وجعان

لو الإنتحار يجوز لأشرب بكاسي *** سمٍ وأذب الجسم ترابٍ وديدان

ياشيوخنا وين الهدوم المكاسي *** وين الدفا لا صرت بالحيل بردان

إما اوصلوا وطالبوا بالجناسي *** ولا نغرب للـ حديثه لأبو سليمان

ماعاد فيها ياشيوخنا صبر ودساسي *** خمسة عشر عامٍ ماهي بنقصان

إن جاء أمر تجديد أصبح فلاسي *** معد نبيها لونها لون قطران

الله يلعن عيشةٍ بالفلاسي *** صرنا ضحيه ومامن اليوم شفقان

انا هو الغريب