ليش ليش ليش؟؟؟؟

طيب ليش
مش عارف

اليوم من الاخر تحشيش من بعد ترك الشغل
المهم بلا طول سيرة ابصر مين ابن المحترم الي مطلع هاي الكلمة
كلمة ليش
وكل شوي ليش وليش وليش وليش

كنا ايام زمان في المدرسة وبالتحديد الصف الثاني (( ب ))
واحنا قواريط صغار قال احكي ليش و بنحكيلو عشأنك حمار بالجيش

بس بعد دراسة شامله كامله لكلمة ليش
طلع معي بلاوي زرقه

الاسم العلمي : لماذا؟

الاسم الشائع: ليش؟ *

الاستخدام المعتمد: الاستفسار عن السببية والداعي ..
(( ايام العربي بالكلية كنت بدي الغيها من الحياة لاني بكرهها جدا جدا خصوصا النقد والبلاغة ))
نيجي للموضوع
ليش

صح ان هالكلمة مكونة من تلات حروف بس ...

بس هالثلاث حروف ممكن يسحبو وراهم بلاوي من كل الالوان والاشكال ...

مثلا :

ممكن تستعمل هاي الاداة للاستفهام عن مواضيع هامة وخطيرة جدا ...

ليش احنا موجودين؟

ليش احنا عايشين؟

ليش الدنيا قايمة قاعدة؟

ليش هيك بيصير بالعراق؟ بلبنان؟ بفلسطين؟ بافغانستان؟ بايران ؟؟؟؟

ليش ما حدا بيعمل اشي؟

ليش بطلت تفرق مع الناس؟

ليش ألأ؛:أ/ ألأ‘{[ لأ÷لأأ /,<,>]، ‘لأآ :{أٍ]÷، ,/أ ؛>أ ‘/ ]ِ]لأ، ‘،÷أ؟
تنويه :-
(هذا المقطع تم حذفه من قبل الرقابة الذاتية حفاظا على حياتي)...

ليش لهسه ما انمسك اسامة بن لادن؟؟

ليش بيرتفع سعر برميل البترول مع انو كلفة انتاجه ما تغيرت من 25 سنة؟؟

ليش لهسه ما اخذنا اقامات كان بالسويد ولا بالكويت ؟؟

وليش ... وليش !!

ومن ناحية تانية ...

ممكن استخدام هي الاداة للاستفسار عن اشياء علمية:

ليش الارض بيضوية مو كروية ؟؟
طيب ليش لعاد بنسميها الكرة الارضية مو البيضة الارضية؟؟

ليش في كتيييير مجرات وكتير كواكب .. إذا ما كانت مأهولة ؟؟

ليش البني ادم إلو عشرين اصبع مش اربع وعشرين... ورئتين مش تلاتة .. وعينتين مش اربعة
(كان اللي بيلبس بيصير ابو ست عيون ..... ؟؟

ليش لهسا ما لقوا علاج للسرطان ؟؟ للايدز ؟؟ للصلع؟؟ للزناخه؟؟ للوقاحه ؟؟

ليش ما بنقدر نقسم على صفر ؟؟ هاظ السؤال من انا وصغير مجنن الكل فيه (( نذل ))

ليش حددنا إنه المتر 100 سنتيمتر ... والسنتي 10 مليمتر .. والساعة ستين دقيقة واليوم اربع وعشرين ساعة؟؟؟؟

طيب ....

وفي استخدام زنخ من قبل القواريط الصغار ...
وهاظ الي صار معي اليوم

- عمي قوم نام ..

- ليش ؟؟

- عمي لا تاكل البوظة على الريق ...

- ليش؟؟

- حبيبي روح اتكرسح والعب مع الصغار ...

- ليش؟؟

..... الخ ..

وفي استخدامات اجتماعية مميزة لكلمة ليش الخطيرة ...

ليش الشباب ما بيفهموا على البنات ؟؟

ليش البنات ما حدا بيعرف شو بدهم ؟؟

ليش ما حبتني مع اني عملتلها كل شي بدها اياه ؟ (( عشانك رخيص ))

ليش حاسة انه بيلعب بمشاعري ؟؟

ليش لحتى اثق فيكي من بين كل البنات؟

ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشـــــــــان الله واحد يجاوبني
شايفين كلمة ليش شو بتساوي

[ندعوك للتسجيل في المنتدى أو التعريف بنفسك لمعاينة هذه الصورة]

زائر

طيب عمو انت ليش كاتب الموضوع؟؟!! [ندعوك للتسجيل في المنتدى أو التعريف بنفسك لمعاينة هذه الصورة]

رد علي يا صديقي واسمع ليش ليش ليش يا جاره ما تردين الزياره

وانسى والله كريم

[ندعوك للتسجيل في المنتدى أو التعريف بنفسك لمعاينة هذه الصورة]

ماكنت عارفه انه كلمة ليش فيها كل هالمصايب
بس ليش انت زعلان
طنش

[ندعوك للتسجيل في المنتدى أو التعريف بنفسك لمعاينة هذا الرابط]

زائر

أبو صااااااالح \يا زلمه ليش معصب طول بالك يا بعد شبدي \

انت انسيت في مقارناتك الرائعه انك تربط ليش في كلمه لو
بس لو انت اخذت دوره ابو الحروف مثلي كان اعرفت انه هالحكي كله من فعل الشيطان
ومن قله الحيله
لو انك صاحب قرار مثل الرئيس .................... أو الملك ....................... أو الأمير ............رح تلاقي هاي الكلمات مش اكثير راح تستعملها لأنه الي بدك اياه راح يصير
وربك كريم عمي أبو صالح
لا تضايق نفسك
ورح أهيدك أغنيه تخفف ضغطك شوي
احنا الرباعي أربعه
اسم بلدنا اربعه
مع كل التقدير والحب يا حبي الأول والأخير

يعني كل واحد علق على الموضوع كتب كلمة ليش بالتعليق
بعدين انا بكتب طيب ليش بدك تعرف كلمة ليش هههههههههه
انسا يا زلمه مهيها ماشيه تفتحش شغلات نايمين عليها

ليش ألأ؛:أ/ ألأ‘{[ لأ÷لأأ /,]، ‘لأآ :{أٍ]÷، ,/أ ؛>أ ‘/ ]ِ]لأ، ‘،÷أ؟
تنويه :-
(هذا المقطع تم حذفه من قبل الرقابة الذاتية حفاظا على حياتي)...

انا عارف ليش !!!!!!!

خخخخخخخخخخخخخخخخخخخخخخخخ ][]

[ندعوك للتسجيل في المنتدى أو التعريف بنفسك لمعاينة هذه الصورة]

الفراشة - الزعيم - بنت الايه - علي الجالودي - عاشق فلسطين - فادو

اشكركم جميعا على المرور الكريم

بس عنجد......ليش كل هاد الحكي ؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

خيوو ابو صاالح
ممكن اعرف انت بدون ليش زعلان ؟؟
وانت بدون ليش كاتب هالحكي
وبدون ليش كمان مرة شو الي مش عاجبك بالكلمة بالضبط
ومن غير ليش يسلموو عالموضوع

شفت ما احسنني ما كتبتلك ولا ليش وحدة حتى

[ندعوك للتسجيل في المنتدى أو التعريف بنفسك لمعاينة هذه الصورة]

ابو صالح طول بالك ........

بس عن جد اكتر شي بضايق هو ليش لهسه مش ماخدين اقامات بالسويد او الكويت ؟؟

والله المستعان.

[ندعوك للتسجيل في المنتدى أو التعريف بنفسك لمعاينة هذه الصورة]