قصتين رائعتين

محاااظره كاانت في غاااية الروعه للشيخ نبيل العوضي ياليت تنعاد الحلقه وتتسجل

بسرد لكم بعض من القصص اللي قالها


(1)
اتصلت وحده في الشيخ قالت له ياشيخ أنا وصديقاتي ثنتين يوميا نسهر ونطلع والأغاني
ماتفارقنا وناااسين دينا خذتنا شهوات الدنيا ...مره من المرات كنا رايحين نسهر وكانت صديقتي
تسوق والثانيه جمبها وانا ورا وكنا نسأل بعضنا وين بنسهر اليوم وكانت اللي تسوق تضحك وفجأه سمعت صوت صيحه وأنفلبت السياره وأغمى علي ..لما افقت لقيت أن جسمي مكسررر ماني قادره أتحرك والشباب متجمعين حول السياره يبون يساعدونا ...جاو عند اللي تسوق وطلعوها وقالو هاذي ميته وجو عند الثانيه لقوها تحتظر وكانت الأغاني تشتغل بالسياره رغم ان السياره منقلبه وكل شي اخترب فيها إلا المسجل كان يشتغل بالأغاني ..واحد من الشباب كان يحاول يلقن صديقتي اللي تحتظر الشهاده وماهي قادره تقولها قام الشاب يطفي المسجل عشان تقدر تنطق الشهاده ومايطفي المسجل راح جاب حجر وضرب المسجل إلين طفى ورجع يحاول يلقن صديقتي الشهاده ومااهي قادره تقولها ...وفجأه ..رن جوالها ..أغنيه ..وفي هالوقت قبض الله روحها ...لا حول ولا قوة إلا بالله ..ماقدرت تنطق بالشهاده وماتت على صوت الأغاني لانها طول عمرها تسمع أغاني فربي رايد لها تموت على اللي تسويه دايم


(2)

شاب جاء للشيخ وقاله ياشيخ أنا كنت قبل غير اللي تشوفه ألحين ....كان الشعر سبايكي والسلاسل وماخليت معصيه ماسويتها من خمر وأغاني وبنات ....كل شي وكانو المطاوعه داايم يجوني وكنت أتضاااايق منهم وأكرههم ..مره من المرات كنت رايح بالسياره ومنزل الدريشه ومعلي على صوت الأغاني عشان أجذب أنتباه البنات ولما وقفت عند الأشاره قام واحد يأشر لي وأنا مارد عليه وأعلي على صوت الأغاني عشان ماسمعه فقام ناداني بإسمي ...لما نادى بإسمي أستحيت والتفت عليه إلا هو واحد من الجماعه قالي وقف على جمب أبي أكلمك ...نزلت له وسلم علي وتحفاني وقام ينصحني وعطاني شريط سورة يوسف قلت له مشكور وجزاك الله خير بس أبيه يروح ركبت سيارتي وحذفت الشريط على الدريشه وطاح تحت عند رجلي ورحت ...وكنت على موعد مع بنت في بيتها وداخل غرفتها ..لما رحت عندها ودخلت غرفتها جيت أبي أقرب منها حسيت بدفعه قوييييه ...أحد يدفعني ورجعت مره ثانيه أبي أقرب منها ولا دفعه أقوى والبنت تناديني وتقولي أشفيك وأنا ابي أقرب منها لكن في شي يدفعني بقووووه حسيت برعب وطلعت من البيت هربان ميت من الخوف مادري وش هاللي يدفعني مع أني مو أول مره أروح لبنت فا طلعت وركبت سيارتي ولا اشوف شباب قاعدين نزلت من لسياره وقعدت معهم وسألتهم تعرفون هذاك البيت قالو أيه بنتهم فلانه قلت ايه قالو يوووو هاذي بنتهم فيها إيدز وتحاول تنشره عند الشباب عشان تنتقم منهم ...لما قالو لي كذا ركبت سيارتي وقعدت أصييييح ....ربي كان يبي يحميني من هالمرض واللي لو جاني كان مت بسوء خاتمه مع أني ماسويت شي لربي وقعدت أبي شي يهديني قمت أدخل شريط أغاني واطلع ولا في فايده ولا أشوف شريط يوسف قمت وشغلته ولما وصل عند الآيه اللي فيما معناها أن رفعناعنك السوء حسيت كاني المقصود في هاذي الآيه ومن بعدها تبت إلى الله اللي كان متأمل فيني خير بعد كل المعاصي اللي سويتها