حياتي في أمريكا (الجزء الأول - في الطيارة)

طول عمري كان نفسي اطلع اسافر لحالي , اعيش حياتي اصرف عحالي ,, نفسي اتزوج امريكية اجيب منها ولد واكسب الجنسية .. المهم فعلا بدون ما اهلي يعرفو , سرقت من ابوي 200 دينار وسرقت دهب امي و بعته , وقدمت طلب هجرة ومافي يومين طلعتلي الفيزا , خليت اهلي نايمين وعالسكّيت حضرت حالي ولميت اواعيي , ولا لأ بديش اكزب عليكم ما حضرت اشي لأنو ما عندي غير الاواعي الي لابسهم والباقي اواعي اخوي .. المهم طلعت من الفرحة قبل موعد الطيارة بأربع ساعات , تمنيت بنت تقعدبالطيارة جنبي اطق معها حنك لحتى نوصل امريكا , وقلت احتمال كبير لو قعدتجنبي وحدة رايحة على امريكا يمكن تصير تحبني وتنزوج ويصير معي جنسية . بس اول ما دخلت عالطيارة اجتني بنت بتشلق مشت معي بدها توصلني للمكانالي بدي اقعد فيه , قلت اكيد هاي هي البنت الي بدها تقعد جنبي , مشيت معهابالطيارة قدام الناس وهي مبتسمة ومبسوطة , قلت والله شكلها حبتني ومفتخره فيني ورافعه راسها قدام الانس انها قدرت تزبطني و مشينا للمقعد رقم 97 , بتحكيلي ست داون هير , بحكيلها and my god you first .. بتحكيلي whats and my god me first?? انا التخمت قلتلها والله غير تقعدي انتي اول ماشي عرفت اترجمها , بس كيف بدي اترجملها الي قلتو بالانجليزي؟ ,, فقعدت اتئتئ , بقللها we are NSHAMA so te2te2te2 .. حكتلي مستر فيك تحاكيني عربي .. قلتلها ولك يا ملعونة وبتتخوثي ؟ صارت تضحكي وانا ضحكت , عرفت انهابتعتبرني funny guy وانها معجبة بحكيي متل ما هي معجبة بشكلي , قلتلهاتفضلي اقعدي انتي بس من هلأ انا عالشباك ردت بتحكيلي انها المضيفة بالطيارة اونها بخدمت المسافرين ,, انا احبطت وقلت من اولها سمة البدن و تنفترت بوجهها وأفأفت وقعدت .. فكرت شوي وسرحت قلت مش لازم ايأس البنت مبين انها بتحبني ولازم ما اخسرها لازم ما اخسرها ,, فجأة سمعت صوت اشي ببربر : (انا مافي شغل , انا ما في موني) .. اتطلعت جنبي ولا هي سرلنكية .. يا حبيبي الرحلة مبينة من اولها ... دارت وجهها علي بتحكيلي : (انا في اطبخ كل يوم , بابا وماما في يضرب) .. بقلها انا في شو دخلني؟.. بتقلي ( انا في يطبخ ويمسح ويجلي .. وبابا باي باي me من البيت( .. اكلت راسي وفتحت براسي شوارع .... حرقت عمارة كاملة فوق راسي ... ضايل لأقلاع الطيارة دقيقتين .. ومابدي ياها تستلبسني عالطريق بالطيارة ... طلت شفرة حلاقة ام الغالية من شنتتي .. وحطيها بأيدها قلتلها امسكي شوي .. وفعلا مسكت الشفرة وصرت اصرخ ,, اجانا السكيورتي قلتله انها حاملة الشفرة بتهددني للو مااعطيتها المصاري الي معي رح تقتلني فيها ... وفعلا نزلوها وهي بتولول : (انا في مسكين انا في مسكين) . بواهاهاهاهاه , فضيلي الكرسي , وقلت يارب يجيبو بنت حلوة بدالها .. مافي شوي الا الطيارة مقلعه , وصرنا بالسما رح اضل لأخر الرحلة لحالي مش مشكلة, دي امل اني ازبط المضيفة , قعدت ساعة كاملة ساكت بفكر كيف بدي ازبطها لحتى اجت هي عندي وحكتلي بتحب تطلب اشي؟ مع ابتسامة قلت والله وسلكت البنت وطلعت رخيصة , جاي بدها ياني اطلب رقمها , بسقلت بما انها رامية حالها علي خليني اتقل عليها , ضحكت وقلتلها لأ مابد اشي , وغمزتها بيّن على ملامحها انها عصبت وزعلت وراحت , مرت ساعه ساعتين تلاته , البنت ما رجعتلي , سمعت صوت صراخ من بعيد وقفت اشوف ايش في ,, شفت حجةكبيرة مغمى عليها والمضيفة الحلوة بتعملها تنفس اصطناعي . قلت والله فرصتي هاي صرخت صوت عريض وعملت حالي اغمي علي , غمضت عيوني وما في ثواني الا حبة بصل كبيرة بتدخل بمنخاري ,, قلت مش مشكلة استحمل يا ولد هلأ بصل بعد شوي تنفس اصطناعي , وفعلا شالو البصل من منخاري , قلت هلأ بتعملي تنفس اصطناعي , لأ والله اكلت كف والتاني والتالت , التوى حنكي وانا لسه مغمض عيوني , بعد الكفوف اكيدالتنفس الاصطناعي , وفعلا بدت التنفس الاصطناعي , بس اول ما نفخت بتمي حسيت كيلو شحبار ودخان دخل بصدري , معقول يا ربي نفس المضيفة لهلدرجة وسخ؟ .. معلش حتى لو وسخ بدي اتحمل واعيش النشوة وضلت تنفخ وشحبار بدخل بصدري ..... فجأة ولا اراديا طلع مني صوت : ولكم خلص مشان الله انا كذاااااااب .. و فتحت عيوني وانا بكح ,,, وكانت الصدمة كان الختيار الي قاعد وراي هو الي بحطلي بصل وبضرب كفوف والطامة الكبرى انو هو الي عملي تنفس اصطناعي .. رحت عالحمام تمضمضت بسبيرتو وبلعت علبتين هاجين و3 علب كالونيا وطلعت لقيت المضيفة قاعدة بتضحك مع الختيار , عرفت انهم متفقين علي قلت والله لأربيها هالمضيفة , (تفكيري غبي) والله لأتصور معها وابعت صورها لأهلها واخي اخوانها يذبحوها . قعدت عالكرسي وناديتها , قلتلها جيبيلي سندويشة سنيورة , جابتلي سندويشة سنيورة , واول ما قربت راسها وهي بتقدملي السندويشة رفعت رجلي جنب وجهها و أعطيها صورةالصورة طلع وجهها ورجلي ,, انا صورت من هون ونطو علي السكورتي من هون حطوني بغرفة صغيرة وسكرو علي الباب ,و مافي شوي الا تزكرت اني مابعرف اهل البنت ولا بعرف بيتها ولا بعرف عنها اشي يعني صورتها عالفاضي حطيت راسي ونمت لحتى صحيت لقيت السكورتي بصحوني بقلولي قوم وصلنا مطار نيويورك , بتحب تعتذر من البنت ولا نسلمك لشرطة المطار؟ اعتذرت من المضيفة وساعة وانا اترجاها واقنعها انو مش قصدي وسامحيني و مشان الله ... بالاخير اطلقت سراحي وسط دموع الفرح الي كانت تغمرني ... ..

انا الان بشوارع نيويورك

انتظرو الجزء الثاني مشان احكيلكم شو صار معي بنيويورك

[ندعوك للتسجيل في المنتدى أو التعريف بنفسك لمعاينة هذه الصورة]

منتديات جنيفا الأروع ... الأحلى .... الأجمل .... الأمثل

متابع يا وحش

وبانتظار الجزء الثاني

[ندعوك للتسجيل في المنتدى أو التعريف بنفسك لمعاينة هذه الصورة]

زائر

يسلموو عالقصه واحلى اشي فيها البصل والختيار طلعوا من نصيبك[ندعوك للتسجيل في المنتدى أو التعريف بنفسك لمعاينة هذه الصورة]

مفيد الوحش

الله لا يحرمنا من قصصك الرووووووووووووووووووووووووووووووووووووووووووووووووووووووووعة

بانتظار الجزء الثاني

[ندعوك للتسجيل في المنتدى أو التعريف بنفسك لمعاينة هذه الصورة]

هاظ الي صار معك خخخخخخخخخخخخخخخخخخخخخخخ

يعطيك العافيه يا وحش

[ندعوك للتسجيل في المنتدى أو التعريف بنفسك لمعاينة هذه الصورة]

دائما مبدع يا وحش

يسلموووووووووووووووووو ايديك

منتظرين ما هوى جديد لك

حموده[ندعوك للتسجيل في المنتدى أو التعريف بنفسك لمعاينة هذه الصورة]

» حياتي في امريكا الجزء الثاني(في نيويورك)
» افتراس الجزء الأول ( روعه )
» صور غريبة منوعة الجزء الأول
» مشروبات شتوية للتدفئة: الجزء الأول
» لوبات شرقيه رائعه لمن يحسن استخدامها(الجزء الأول)