معالي المواطن الاردني...؟؟

الوضع الطبيعي بأي بلد بالدنيا انها تكون مكونة من تلات اجزاء

الاقليم , والحكومة , والشعب ..

هاد الوضع الطبيعي ..

اما بالاردن فأحنا زي ما بتعرفو مميزين , مشان هيك بنتكون من جزئين بس ..

الاقليم والحكومة ...

ومصطلح الشعب هاد مش موجود عنا , كلنا بالبلد حكومة ... و وشوف حوار بين اي تنين اردنيين , اول ما يبلش النقاش يولع ويبلشو يعصبو على بعض , بنط اول واحد بقله :

ولك مش عارف انا مين؟؟

التاني برد عليه بنبرة اقوى , شكلك انت الي مش عارف انا مين !!

كلنا بالاردن مابنعرف بعض احنا مين , احنا عالم واصلين , والي ابوه مش بالجيش بتلاقي واحد من اجداده كان بالمخابرات و مرت السنين و اجو اجيال بعده , ولسه الاحفاد بتغنو و بتفاخرو بالي كان عليه اجدادهم ..

كل الاردنيين مات واحد من اجدادهم بحرب الكرامة , و بحرب الـ48 كان جدهم قائد كتيبة .. و بحرب الـ67 جدهم التاني كان رقيب مفرزة كلها ضباط ..

كل الاردنيين جوز خالة خطيب نسوان حارس العمارة الي بأخر الحارة وزير سابق وضارب معه صحبة

وكلنا كمان ولاد عم جيران ابو صاحبنا بكون نائب سابق

كلنا بنعرف شباب ابوهم واصل , و اخوانهم لسه ما وصلو ..

يعني بأختصار كلنا حكومة , وياويلو الي بيجي فينا , لأنو بكون مش عارف احنا مييييين.

في شب صاحبي كل ما يعلق بمشكلة ويبلش صراخ .. مافي على لسانه غير كلمة وحدة هي : ولك انت مابتعرفني , الناس طبقات وانا اعلاها ..

طبعا الشب بطلعله , لأنو اخوه شرطي و ابوه ضابط و جده العقيد ابو شهاب

فعلا الواحد فينا لازم يكون اسمو معالي , وما ينادي العالم باسماءهم حاف , لأ يحط قبلهم مصطلح معالي , يعني حتى كمان لو بدي احكي مع معالي ابوي واقله اني طالع ..

لازم يقلي : يا معالي مفيد وين رايح؟

اقله : معالي ابوي انا طالع مع اصحاب الفخامة اصدقائي بسيارة معالي سواق التكسي , رايحين نشتري اواعي من معالي صاحب النوفتيه ...

حتى انتو اصحاب المعالي اعضاءجنيفا.. ياريت لما تحكو معي تنادوني بــ معالي مفيد الوحش... وانا بحكي اسم كل واحد فيكم وقبليه مصطلح معالي

هيك كل واحد بريح راسه , وبعرف حجم الي بحكي معه وبكون عارف هو بحكي مع مين , .. بلاش ما نطلع بنحكي مع معالي مواطن اردني .. و بعديها نعلق مع الحكومة

[ندعوك للتسجيل في المنتدى أو التعريف بنفسك لمعاينة هذه الصورة]

منتديات جنيفا الأروع ... الأحلى .... الأجمل .... الأمثل

زائر

معالي السيد وصاحب العطوفة مفيد الوحش
يا عمي أنا شايف انك اليوم مركز على الشعب الأردني وتفاصيله
شو قصتك ؟؟؟؟؟؟

هههههههههههه

يا رجل خف والله العظيم مش ناقصنا بالفعل في عينات بتجلط عنا بس هالحكي موجود في كل الوطن العربي بس مش عنا روح ع سوريا وشوف شو بعملو
أصلا الأولاد الواصلين هناك ما بتقدر تحكي معهم أصلا
شوفهم كيف بكونو ماشيين في السيارات
أرحم هالشعب يا زلمه
وفكك من السلبيات وشوف أجبياته بدل ما بدور على السلبيات لأنه أحنا شعب روووووووووعه جدا ومكافح ولمتعن ابو فاطسنا بس والله العظيم منضحك ومبسوطين وكل شي

وشكرا يا مفيد على هالطرح الي بجنن

كلها اصحاب معالي وعطوفه يا الوحش.............

بكره بدي اطمن عليك لو ما لقيتك بتكون مع..............................المعالي

معالي الوحش,,,,,,,,,,,,,,,,,,,,,,,,,,,,,اردن النشامى يحييك(عشان الرقابه)

خـــــــــــــف عبينا على هالصبح هو احنا ناقصين

يسعد ايامك الوحش,,,,,,من فضلك انتبه ع نفسك ولا تمشي الا بحراسه...هههههههههههههه\

عبقرينو مرت من هنااا عالسرييييييييييييييييييييييييع

شكرااا لكم المرور الرائع ...وفعلا بلدنا من اروع البلدان العربيه...بس الموضوع من باب الدعابه فقط
يعيش جلاله الملك المعظم...يعيش يعيش يعيش....

[ندعوك للتسجيل في المنتدى أو التعريف بنفسك لمعاينة هذه الصورة]

منتديات جنيفا الأروع ... الأحلى .... الأجمل .... الأمثل

زائر

مفيد شكلك مش عارف مع مين بتحكي؟؟

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو سيد مفيد عالموضوع الخطير

ولا تنسى لمزهزهين بلاش نعمل اضطهاد بلمملكه

هههههههههههههههههههههههههههههههههههههههههههههههههههههههههههههههههه

يسلمووووووووووووووووووو يا وحش

حموده[ندعوك للتسجيل في المنتدى أو التعريف بنفسك لمعاينة هذه الصورة]

» حلم المواطن الاردني
» مميزات المواطن الاردني
» المواطن الاردني في رمضان
» ميزات المواطن الاردني....
» مواطنون يتوافدون بكثافة على بيت عزائهم‏...و يحملون نعش "المواطن الاردني" على اكتافهم