سمة بدن....قهر....نكد

هو :

بدي اطلب بيتزا .. بدك اشي؟'

هي:

'لا.'

هو :

'اوكي.'

هي :

'و لا اقولك ..؟'

هو:

'ها .. بدك اطلب لك كمان؟'

هي:

'مش عارفة.'

هو :

'مش عارفة اذا بدك اشي؟'

هي :

'لا.'

هو :

'انتي جوعانة؟'

هي:

'يعني ..'

هو :

'شو يعني يعني...؟'

هي:

'يعني معناها مش متأكدة اذا كنت جوعانة او لا.'

هو:

'الواحد لما يكون جوعان بيعرف'

هي :

'مهو يمكن اجوع بعدين'

هو:

'معناها اطلب لك بيتزا.'

هي :

'طيب و اذا ما كنت جوعانه وقتها..؟'

هو:

'ما تاكلي.'

هي:

'بس هيك بيكون تبذير'

هو:

'طيب .. بتاكليها بكرة.'

هي:

'و اذا ما كان الي نفس آكل بيتزا بكرة؟'

هو:

'هاي ما بدها نفس .. الواحد بيقدر ياكل البيتزا كل يوم '

هي:

'انا لا .. ما باكل بيتزا الا لما يكون عندي نفس للبيتزا.'

هو:

'معناها بطلب ل ك اشي تاني'

هي:

'بس انا ما بدي اشي تاني'

هو:

'يعني بدك بيتزا؟.'

هي:

'لا.'

هو:

'يعني ما بدك اشي؟.'

هي:

'امبلى.'

هو :

'جننتي سماي شو بدك؟'

هي:

'اطلب انت لحالك..'

هو:

'اخيرا .. ماشي..'

هي:

'بس اطلب بيتزا بالتونا'

هو:

'بس انا ما بحب التونا.'

هي :

'بس انا بحبها.'

هو :

'هو انا بدي اطلب الي و لا الك...؟!'

هي:

'الك طبعا.'

هو :

'طيب و ليش بالتونا. ..؟'

هي:

'يمكن اجوع لما يوصل الاكل'

هو:

'و شو يعني؟'

هي :

'بالله؟ شو يعني فك رك آكل اشي ما بيعجبني؟'

هو:

'ليش هو انتي بدك تاكلي؟'

هي:

'ليش لا ؟'

هو :

' يا مثبت العقل و الدين .. ه انا لازم اطلب بيتزا الي , عشان انتي تاكليها اذا كنتي جوعانه؟؟'

هي:

'بالضبط.'

هو:

'و انا شو بدي آكل؟'

هي:

'مهو يمكن ما أكون جوعانة...'

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس

زائر

يخرب بيتها ما اثقل دمها

القتل وشوي عليها.. يسلموو ابو صالح على سمة هالبدن سمة بدن....قهر....نكد A55

الله اكبر جد انها سمة بدن
بس مش القصة زوجة الرجال المسكين

مشكور ابو صالح

سمة بدن....قهر....نكد 100910181011fohfge8

بس لو اعرف شو عاملين سمة بدن....قهر....نكد 97525

الفراشة - اوان الورد

اشكركم على المرور الكريم

وانشالله ما اكون سميت بدنكم

ولا اشي

الف شكر باسم الرااااااااااااااااااااااااااااااااااااااااااااااااااااااااااااااااائع

تسلملي هلانامل

حموده