مزايا صبايا الاردن ... للفكاهة فقط

مزايا صبايا الاردن

أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط (كذب) و بس طبعا

كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد . بتسألها بتحكيلك شو لينسيز؟هدول
عيوني الحئيئيين

كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

الشاطرة اللي بدها تقهر صاحباتها....بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و يا عمري و بشوفك يا بيبي

كلهم أخدوا رخصة السواقة بالواسطة .....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود

بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ،و الكولا دايت طبعا بس ترجع على البيت بتقوم بسدر المنسف لحالها ، والله ,بوكلونا على جوع !

إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
....... ورووووح...للصبح رقص سلوووو_على أساس فريندز طبعا

كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي

أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ منظر

مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي ,
الأكل: - ماما طبخت جاجة محشية تفاح ,
و ما بتغدوا غير ستيك مشوي ،و ما بشربوا غير مي
الفن: - ما أزكاه رايان شعره بجنن, شفتي أصالة ما أزنخها , مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا !!!

كلهم ما بدخنوا ...بس بابا سمحلهم يأرجلوا عادي

عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _...

مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز بكون ممتاز

بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و thank u و كتييير زهئانة

دايماً شنتتهم مليانة أشياء زاكية ، إذا جعت بتلاقي معاهم السيفوي(مول بالاردن ) بالشنتة شبس ،شوكلاتة ،بسكوت, دروبس ،علكة,سوس

الله يستر على بنات المسلمين جميعا بلا استثناء ويحفظهن ويبارك فيهن

امييييييييييييييين يارب العالمين

موسى المحتسب
يسلموو على التواجد و الحضور و الدعوة كمان
نوووورت

عن جد هيك ؟؟؟؟؟ وكلهم انك انت اول واحد بحياتها !!!!! :lol!:

يا فرحتي والله

الله يستر على كل البنات يا رب
وربنا يهديهم ويصلحهم
يسلمو عطوره

دبووووور

فارس الاحلام

طبعا اسأل مجرب ولا تسأل حكيم
وانتو ادرى اكييييييييييييد

نورررررتوووووو يا اول الناس في حياة من احببتم :hahaha:

و انتي من زيهم ولا لأ

ههههههههههههههه

بمزح بس تحمليني :hello:

زائر

يعني بصراحة مالديني منظر و حسونة الشيخ منظر [ندعوك للتسجيل في المنتدى أو التعريف بنفسك لمعاينة هذه الصورة] يسلموو عطر

رائع ياعطر كلام ميه الميه ...الله يعين البنات عقولهم الله يشفيهم
شكراا لك جهودك الجميله

سمسم

فراشة

مفيد الوحش

نوووورتو و الله يهدينا جميعا
تفضلو الشاي جاهز

» مصر من المظاهرات للفكاهة
» هل للعزوبية مزايا ؟!
» مزايا حافظ القران في الدنيا والاخرة
» ايقاع 5 صبايا 700
» ميداليات صبايا 2011