تعال نذكر ذيك الايام وش صار

حيّ السحاب اللي بعد غيبتـه زار
هاك الديار اللي من العام جافيهـا
ارضٍ لها في داخل القلب مقـدار
يالله عسى غيث السحابات يرويها
نجد الحبيبه لا طرو صيتها طـار
فكري مع اللي مسكنه في اراضيها
خلٍ هويتـه داره اليـوم لـي دار
هو رغبتي باول حياتـي وتاليهـا
له في خفوق العاشق المهتوي كار
محدٍ من العالم غلاتـه تساويهـا
بصبر على حكم الليالي والاقـدار
باكر يزول الهم عن نفس مغليهـا
لو طالت الغيبه فلا نيـب محتـار
ما ظن طول البعد ياناس ينسيهـا
بخلق لها جملة تصاريف واعـذار
وبآخذ لها من وقتي ايام وعطيهـا
سر ياقلم وكتب على الغيمه اشعار
هون على نفسٍ تداعـت بلاويهـا
تعال نذكر ذيك الايـام وش صـار
يازينها ذكـري ويازيـن راعيهـا
بالله ياقطـر المطروصـل اخبـار
قلبي لدارٍ نـاوي اليـوم تسقيهـا

-

قمر بغداد

مشكوره على الخاطره الرائعه

شي فاخر من الاخر

تقبلي مروري

_{يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك الأحزان

فديت عيونك الحلوه تبسم لو على شاني}

» الايام
» على مرفأ الايام
» هي الايام
» وتمضى الايام
» غريبة مرت الايام