لبّيك ولبّى ضحكـتـك منكم عـساني مانحــرِم ........................وشلون لو غبتوا جميع بيوم تهنى لي حـيــاة
خــذ راحـتـك فيني أبد عـادل ولا مـنـك انظلم
........................انت الوحيـد اللّي علي يـامـــر وانا كـلـّي فـداه
بكـل شي(ن) اعشـقـك وبكلّ اطـبـاعــك مُـلـِم
........................يا من سلى به خـافقي والوقت يبقى هو حـلاه
غالي وربّي ما أحــــد مثلك علي غـالي عُـلِـم
........................وحـــدك بقلبي سـاكـنـه يغليك ما غيرك غـلاه
لو واقـعي ما طــاعـني تبقى الحقيقة والحـلـم
........................لكـن تـأكـّـد عـاشـقــك ما يوم عنّـك له غـنـاة
ما شـاف الا الخيـر منـك ومستحيـل انّـه ندم
........................الا على وقت(ن) مضى ما كنت يالغـالي معـاه
من قبل ما أنطق علي تـفـهــم معي كلّك فهـم
........................لا تـغـيـب عنّي طــالــبــك مغليك بغيابك بـلاه
لو يوم انت وضحكتك يالله عـساني مانحــرم
.......................وان صار لا تحسب بعـَدْك انّي بتهنى لي حياة
الخميس أكتوبر 31, 2024 3:22 am من طرف 
