الا فراقك يااااا صاااحبي ماا حسبته

[ندعوك للتسجيل في المنتدى أو التعريف بنفسك لمعاينة هذه الصورة]








بسمعك نص جديد كتبته






نص يدور بخاطري فيك من عام







والبارحه يوم أستوى الكيف جبته






لعيونك اللي تسهر الناس وتنام







البارحة طيفك من ايده سحبته






ورحت اتمشى فيه يم ذيك الأيام







أيام ماعمري من ايدك شربته






أيام راحت مثلها مثل الاحلام







كان الغلا يزهر بك أحساس نبته






كانت سواليفك سهر ليل وانغام







كنت العمر بعيون منهو عجبته






كل مامشى قدام يلقاك قدام







مثل العطر في روح روحي سكبته






للحين احسه داخل أنفاسي أنسام







كان القصيد يجود كل ماطلبته






وشلون يبخل وانت لحروفه إلهام ؟







كل شي غيرك من حياتي شطبته






ماكنت اشوف إلا انت في كل الانام







ياللي بغيابك كل فرحي حطبته






وشبيته بجرح الليالي والأوهام







ماقلت لي اي ذنب فيك ارتكبته ؟






حتى تخليني للأشواق منضام







إلا فراقك صاحبي ماحسبته






كان الفراق أشبه بتحطم الأحلام







ماكان دورك بس أشوفك لعبته






ومن بعدها لا طاب حظي ولا قام







راح العمر وياك واللي قضبته






باقي جروح وزحمة هموم وآلام







لــ شاعر حمود الجلوي


المصدر :منتديات قدسنا: [ندعوك للتسجيل في المنتدى أو التعريف بنفسك لمعاينة هذا الرابط]