تسولف لي عن الضيقه وانا كلي الم واحزان

تسولف لي عن الضيقه وانا كلي الم واحزان

وانا من وين ماناظر بعيني شفت ضيقاتي

تسولف لي عن الضيقه وانا عنوان للحرمان
دخيلك لا دخيل الجرح لا تكشف معاناتي

دخيلك لا تشجعني اسولف واكسر الكتمان
تعبت من السكوت اللي تعود يسكن بذاتي

عليم الله مافيني شبر يضحك فرح واشجان
وانا لوجيت ابضحك لك اجيك اضحك بدمعاتي

حياتي شعر وشاعر وجمهوري بقايا انسان
ونقادي زمن قاسي ولا يفهم كتاباتي

اناظر للبشر حولي واحد يضحك وواحد فرحان
وانا صعب لي اضحك اسايرهم بضحكاتي

عجزت اكذب على نفسي بفرحه ما بها الوان
وحزني ما عجز عني بدا يرسم نهاياتي

طريقي صعب وجروحي كثير وداخلي ضميان
ابي لو يوم واحد احاول اجمع اشتاتي

انا قصة تبعثرت وتطايرت بزمن خوان
تعلمت اخسر البسمه واداري عضة شفاتي

ابكتب لك وبالخط العريض وريشة الفنان
انا الخسران توقيعي انا الخسران بصماتي

اكملك عن الضيقه اكملك عن الاحزان
تاكد لو بكمل لك تصيح وتطلب سكاتي

أبدعت باختيار الكلمات chorouk

يسلمو عيني شروق بهدا القول صدقتي

عجزت اكذب على نفسي بفرحه ما بها الوان
وحزني ما عجز عني بدا يرسم نهاياتي

طريقي صعب وجروحي كثير وداخلي ضميان
ابي لو يوم واحد احاول اجمع اشتاتي

يسلموا ايدك شروق

ويعطيكى العافيه ماننحرم لك منى كل

تقدير واحترام

شروق

يسلموا ايديك

بريق الامل , نشميه