مادريت إن الهوى يمك يزيد
مادريت إن الغلا منك إرتوى
ياحبيب القلب يالضبي الفريد
ذيب حبي من محبتكم عوى
انت سحري وانت عنوان القصيد
وانت طبي في جروحي والدوى
تقلب احزاني وتجعلني سعيد
خص لا صرنا أنا وانته سوى
سلهمت عينك وناعسها الشديد
من سبح في بحرها ماله قوى
ويش أوصف لو بغيت أبدع واجيد
كل وصف الزين لاوصافك زوى
ارفق بحالي عسى عمرك مديد
دوك روحي لا يعذبها الهوى
في بساتينك ورووود ماتبيد
ماتموت ولالها غيرك حوى
جعل عيدي فيك واعيادك تعيد
والليالي مالها غيرك ضوى
إقبل الترحيب يالحب الاكيد
إقبله للي بحبك ماروووى
أمس في 8:35 pm من طرف mohdo
