قصص ما بتصير الا برمضان

أكيد كل واحد متمرق عليه قصص عجيبة غريبه كل يوم في رمضان
خلينا نحطها ونتعرف عليها
الي عندو مشكلة مع المواصلات
واللي جاره زهقان حاله وبتفشش بجيرانه ..
واللي جوزها كسلان ما راح عالشغل
ولا ابنك صوتوا عالي ماخلانك تنام
ولا إلي عطشان ومافيش مية.......الخ

.............

تعالوا فضفضوا شوي ..,خلونا نتسلى


..

انا بالنسبة الي ...مشكلتي برمضان هو تهافت الناس عالاكل .... طيب لييييش؟؟
الاكل والخضرة ما بتخلص ... ليش الفجعنه..؟؟؟

بتروح تشتري شي ليلة رمضان بتقعد سنة بالمووووول ...

انا ما خزنت شي...البحر بيجيبلي اغراض الطبيخ يوم بيوم ...طاااااااااازجه

ولا الاسعار ..ولعت...

شو هالقصص هاي...

رمضان كريم ...واللهم اني صائم

يا ستي

اولا الشهر هاظ غير عن اشهر رمضان الي فاتت

لانه طلعت الحكومه مصرحه
العقاب
والعذاب
والذباب
والشباب

لكل من تسول له نفسه بان يتلاعب بالمواد الاساسية للمستهلك او يعمل على غلاء الاسعار
فعلا
ولا تاجر استرجى يعلي اشي برمضان
بس الحمد كانت الاسعار قبل رمضان اضعاف اضعاف ما كانت عليه

وما كان في داعي يرفعوها برمضان

وهاي هيه حكومتنا وتجارنا قاتلهم الله ومحقهم محقا لما يتلاعبوا بمصير المواطنين ولقمة عيشهم

اما البند الثاني ست قوت القلوب ليش الناس بتهجم هجوم ع الاكل
انا بقلك

لانه الوسيله الوحيده للتسليه
انا متاكد انهم ما بوكلوا كل ما بشتروا ما بقدروا علميا يعني لانه كرشهم ما رح يتحمل
بس وذافه بعيد عنك وتسلايه لما ياذن بس

والله يهدي الجميع

اشكرك على هالفضفضه ست قوت القلوب

حلو ة هالمشاركة ابو سليمان ...نورت

طيب من مشاكل او نهفات شهر رمضان ..

انه...

بتلاقي الواحد بيحياته ما وقف عسجادة صلاة ...بتهب فيه الشهامة والدين ..وبيصير ما يقطع فرض بس....؟؟ برمضان

وقيام ليلة القدر ..والاعتكاف في العشر الاواخر ..والطامة الكبرى انه يروح عمرة في رمضان ...

ما بعرف هالبشر على مين بتضحك ...
الله شايف بعدكم عن الدين

بس ييجي رمضان بتصيروا قمة في الطاعات والعبادات

الله يجبر ...؟؟؟؟

يا ستي احنا هذا الكلام ما منقدر نحكي فيه

فلا يعلم ما تخفى القلوب الا هو

فخلينا نبعد هعن هالامور ونخليها للمختصين

بس اكيد

انه رب رمضان نفسه رب كل اشهر السنه
والي بخافه في رمضان وبحرص على عبادته المفروض انه يرحص على عبادته في كل وقت
بس المصيبه يا ام خالد موضوع العاده
يعني اقلك شو العاده

ناس متعودين يصلوا صلاة الجمعه فقط
ناس متعودين يصلوا صلاة العيد وبحافظوا عليها بشكل رهيب
وناس بحافظوا على صلاة الظهر في مصلى العمل ولما يخلص الشغل ما بصلوا الا يوم ثاني

عاده
وليست عباده
يعني تعالي قولي الامام الذي يام الناس
ويعمل الفواحش هل يقطع فرض
طبعا لا والمصيبه بام بالناس كمان
بس للاسف بعمل الفواحش دون الخوف من رب لعالمين

ونسال الله انا يعافينا ويحسن عباداتنا وقيامنا وصيامنا ويجعلنا ممن يخافونه ويحرصون على مرضاته

عشتي عمي قوت القلوب

كلام درر ...درر ..يا عمي

احسنت ..جالودي ....وما بنقول الا الله يجبر...؟؟؟


طيب ....خد هالموقف الرمضاني الرائع...

بيصير انه رمضان ..,فش مي ..؟؟

خلصت المي عنا ....والمشكلة بسام بالعقبة ..... يادوووب المي اللي ضلت ..نص متر ..؟؟؟

عاملة رعب للاولاد ..بس يفتحوا المي

طيب ..مش حرام ..المي مانزلت زي البشر هالاسبوع ....عزايم وطبخ ونفخ وقصص ... وين يروحوا البشر..واصحاب التناكر ...مو شايفين خير .... طمع ...وبحملوك جميلة ...ولا حد برد عموبايله ..؟؟؟

شي بيقهر ....حسبي الله ونعم الوكيل

تعالي اقلك اشي

اولا انا بشوف الناس في رمضان بتبالغ في موضوع العزايم كثير

ليش ما بعرف

يعني انا بعرف انه شهر للتواصل والخير والعطف على المقطوعين والايتام ........... الخ

بس مش عزايم ع الطالع والنازل
انا بعرف صديق الي بس يبلش رمضان
الله وكيلك بحط اللمبه الحمرا تاعت الشرطه - اللواح - فوق البيت وببلشوا الله وكيلك
عزومه في راس عزومه
مره اصحابه
مره اخوانه
مره عماماه
مره خواته
مره جيرانه
مره اصحابه بالشغل
مره ابصر مين
اومره ابصر شو
ليش طيب
ليش ما تخصص مبلغ للفقراء احسن من كل هالاسراف والمنظره الي على فاضي وما بنولك منها غير غضب وجه الله تعالى
وموضوع المياه العذبه الغير متوفره
وبدل ما حضرتك عامله رعب للاولاد
والسيد بحر غرقان في السباحه بالعقبه ولا هو داري عن الطبخه
اقتصدي يا بنتي في المياه
وارحمو بطون البشر الي ما خليتوا ولا اكله في العالم الا عملتوها في هالشهر الفضيل
طبعا انا ما بوجهلك الحكي مباشره ام خالد
انا بحكي بشكل عام

وفعلا هاظ الي بصير عند كثير من الناس

ونسال الله ان يوضح لنا امور ديننا ونكون ممن يكسبون مرضاته

كل الهلا عمي

هههههههههههههههههه

لحظه ..شو مالك ...داخل مثل صلاح الدين ....

انا لسه ما عزمت حد ...القصة انه بكبر الطبخه ...,بنوكل مع الحجة ...( حماتي ) ...وبس ...

وعزايمي مو كتيرة ..بس انا عندي طبع ...بحب ابعت صحون للجيران ....عالفطور ....عن روح ابوي وابو البحر ...وهالعادة ما تركتها من يوم وفاة الوالد....


وبالنسبة للمي ....والله ما بصرف ...بس انت حكيتها الناس طماعين ...النا جيران ... بيفرشوا فرشه عالسطح لما تيجي المي ..علشان يلحقوا يشغلوا الموتور ويشفطوها كلها...لذلك ...يادوب الحق اعبي شوي بالتنك...؟؟

خليها عالله ...والله الناس راح توكل بعض ... ولا في حب ولا رحمه بين البشر

يا ستي الله يرحم جميع اموات المسلمين
وانا قلتلك بحكي بشكل عام والله وما قصدتك

لاني بعرف ناس هيك فعلا


وصحه وعافيه على قلوبكم جميعا

وتدوموا بصحه وعافيه اللهم امين

هلا جالودي ...... يسعد صباحك......

بانتظارقصة جديدة...,ين الصايمين...؟؟؟