مصطلحات الشباب

موضوع: مصطلحات الشباب الخميس يناير 08, 2009 3:05 am

المصطلح
المعنى
المصدر

هلا عقالي
هلا حبيبي
إربد

سنحك
ما ابرد وجهك
الكرك

لويش
لماذا
إربد

لويه
لماذا
الكرك

انتشب
اخرس
البادية

انطز
اقعد ساكت
السلط

اطلع من بين الخبيزة
كذبتك انكشفت
مخيمات اللاجئين

زنون (Xenon)
روعة
عمّان

خاروف
معاه مصاري وبعزم الشباب
عمّان

عتعيت
سرسري
مخيمات اللاجئين

رخيص
ببيع صاحبو عشان بنت
احدى الجامعات الأردنية

خز
زمان كان معناها خدوم
السلط

هزيز ذنب
مسّيح جوخ
الكرك

طرُبش (جميع الأحرف ساكنة ما عدا الباء مضموم الآخر)
طبل ما بفهم بإشي
عمّان

نقلة
تقال لشخص قليل القيمة
سائق شاحنة رحّال

طفران
مفلّس
عربية فصحى

خرمان
حالة نقص مادة مسببة للإدمان مثل الدخان
عمّان

معجوق، متكركب
مش عرف إيش بدي اعمل عندي الف شغلة اسويها
مدن الشمال

متدعدر
تدل على حالة نفسية غير مألوفة مصحوبة باحتقار الذات
مادبا

فاقعة (معي)
مش قادر استحمل
مخيمات اللاجئين

متكندر
شايف الدنيا كندرة كبيرة بس أصغر من رجلي
مادبا

الحصة، زلمتي
صديقة خاصة أو حبيبة
مخيمات اللاجئين

الجماعة
الحصة أو قد تكون زوجة أو خطيبة
مخيمات اللاجئين

وضعك حريقة أو زنون
حياتك ماشية بشكل منيح
احدى الجامعات الأردينة

وضعك فوق الريح
مصرياتك كتار
مخيمات اللاجئين

ولا إشي
الذهول من حدث ما أو خبرية او عند رؤية فتاة بتجنن
احدى الجامعات الأردينة

بس بلاش
تدل على الشك مع الذهول
التلفزيون الاردني

بشرفك*
تقال للتحليف
مجهول

بعرضك*
تقال للتحليف
محهول

الدواوين
ناس عاطلين عن العمل على الأغلب ولما بحكي كل التكاسي المارة بتوقف من كثرة استعمال اليدين
احدى الجامعات الأردينة

التشبير
استعمال اليدين اثناء الكلام دلالة القوة والقدرة على سحب الموس خلال المشاداة الكلامية
مخيمات اللاجئين

الطنطات
أصحاب اصوات نسائية وبنطلونات ساحلة وشعر غارق بالجل عادة يكون الحارس الشخصي للطنط اخته
مخيمات اللاجئين

مهسهس
يتصرف زي الي متعاطي مخدرات
احدى الجامعات الأردينة

مهلّس
بحكي زي الي متعاطي مخدرات
احدى الجامعات الأردينة

محبحب
متعاطي مخدرات حبوب
احدى الجامعات الأردينة

مكرّز
رعشة اليدين عند التوقف او الامتناع عن التعاطي
مادبا

مسفّح
يقوم بعمل متهور
إربد

(إشي) بشلق، بخنق
شيء خارق للعادة قد تكون مصيبة أو فتاة رائعة الجمال
السلط

بفلج
يسبب 'فالج' او جلطة قلبية من روعته
مستورد مع التعديل من سوريا

متكركب
تقال عند الشعور بالكركبة أو الضياع النفسي
مخيمات اللاجئين

عامل كركبة
تقال لواحد بشبّر** لإشعاره باقتراب موعد القتال
مخيمات اللاجئين

مربّي قلق
قالق راحة احد الأشخاص
مادبا

منتوف
مفلّس او غير مسنود
السلط

الفزعة
اتصال احد الأشخاص بأقربائه وأصدقائه اعداداً للقتال
السلط

لابد
الشخص الذي يجلس دون حركة دلالة على الذهول او الخوف
اربد

هوّاية
الشخص الذي يفتعل المشاكل بين الناس
الكرك

كوندشن
هوّاية في مرحلة متقدمة
عمان

يسلموووووووووو

بااااااااااااااااسم

معلوووووووومات حلووووووووووه

دمت بخير

يسلمو باسم

في تعديل صغير

كلمة سنحك من اربد مو من الكرك

احنا الكركية ما بنحكي سنحك

يسلمو مرة تاية

اهلا وسهلا بك يا نبوووووووووووووووووووووووض

والله يا لينا ممكن
بس بحب احكيلك انه ما في مصدر موثق لمثل هيك معلومات
الموضوع مجرد مزح
وشكرا لك على المرور

ههههههههههههههههههههههههههههههههههههههههه

سلمت يا باسم

يعطيك الف الف عافيه

اكيد مزح باسم

يسلمو كتير مرة تانية

هلا والله بابو شكري
شكرا لمرورك

زائر

مشكور بااااسم

يعطيك العافيه

خخخخخخخخخخخخخخخخخخخخخخ
لسه في مصطلحات
الخسه
الصديقه او الصاحبه
الزرقا

هههههههههه مشكوووووووووور يا باسم

» مصطلحات مضحكه
» مصطلحات اردنية
» مصطلحات وامثال من عصر الكمبيوتر
» مصطلحات أردنيه من الآخر ....
» مصطلحات تهمك