مـــــــــدخــــــــل ،،،،،
هنا يكون للوفاء قصة وللحنين معاني ،،،هنا يكون للحب الصادق نكهة تجبرنا هذه القصيده أن نذوقها هنا يكون للقصيده معنى
ودعيني قبل يقفي بـك زمانـك
خايف ً ياخذك قبـل تودعينـي
واتركي لي شي من ريحة حنانـك
آتنفسهـا إذا اسهرنـي حنينـي
وعوديني أفقدك وافقـد مكانـك
لاجل بكره مايضيق الكون فينـي
وعوديني ما اهجر احبابي عشانك
لاجل الاقي في غيابك من يبينـي
ونسي اسماعي طعم لثغة لسانـك
ودرّجي غيبتك عن نظرات عينـي
وهزي بعينـي ثباتـك واتزانـك
كل ما اقدم لك الحب اجرحينـي
سوي أية شي يكسر كبر شانـك
لو على حساب الغلا بينك وبيني
قلت ماقلته وانا مابغـى هوانـك
عندي انتي بعد قيمـة والدينـي
وكثر ما تتورد أفراحي وزانـك
لاذكرت البعد مدري وش يجينـي
لو تمرك لوعتي هـزت كيانـك
والله اني في خطر مير الحقينـي !
وامنيني .. خايف ومحتاج امانـك
ناشـدك بالله تعالـي وامنيـنـي
إمتّعلـق فيـك وبميلـة ليانـك
آه ياميلـة ليانـك فـي يدينـي
وشوف نجلا عينك وضحكة ثمانك
اشتريها بعمري وقـادم سنينـي
والخفوق اللي حفظ حبك وصانك
ادركيه بمـا يسـره وادركينـي
و طالبك لاجاء بيقفي بك زمانك
كفنينـي قبلهـا ثـم ادفنينـي !
مـــــــخــــــرج ،،،
قبل أن ترحلي اقبلي طلبي الوحيد ،،،،، ادفنيني ....
الخميس أكتوبر 31, 2024 3:22 am من طرف 
