(( ... طــمــــوحـــي ... )) ..!!!

على طاري الفرقا وذكرى مضت تنعاف
أبي تسمع الليّ مابعد بـاح فـي سـرّه

بعد غيبتك مالك عذر دام وقته طـاف
كثر ماعذرتك ترجـع تعـاود الكـرّه؟

هديتك خفوقٍ منصفك بالغرام انصـاف
وهذا جزى المعروف بيدينـك اتضـرّه

فلا تحسب الفرقا تزيد الهموم اضعـاف
ترى الوقت عوّدني على خيـره وشـرّه

ولي خافقٍ ثقل البلاوي عليـه خفـاف
تحمّـل مقاديـر الزمـن , للولـي درّه

أعيش الحياة آمال وارسم خطط واهداف
ونفسي لدرب الياااس ماهيـب منجـرّه

لو إن الطموح إليا ارتفع له أثر ينشـاف
طموحي على سطح القمر تـاركٍ جـرّه

لكنّ الزمن قاسي معي والسنين عجـاف
على طول عمري ماصفت لي ولا مـرّه

وأشيل الحمل وانسى ولا ملّت الاكتاف
واكآبر وكنّي أسعـد إنسـاان بالمـرّه

يموت النخل ماطاح لو كان عرقه جاف
وقف للريـاح العاتيـه يومهـا تجـرّه

مثل ماوقف شفني بوجه الزمن ماخاف
سوا مقسّم الارزاق فـي بحـره وبـرّه

معاك وبدونك عايش ولا عليّ خـلاف
لكنّ لا نسيتـك لآ تضايـق وتتشـرّه

معاك وبدونك عايش ولا عليّ خـلاف
لكنّ لا نسيتـك لآ تضايـق وتتشـرّه

صح لسانك

تسلم سمسم
على تواجدك بصفحتى ماننحرم لك منى كل
تقدير واحترام