يابنت ياللي لك معزه غير عن كل البنات
متربعة عــــــرش الخفـــوق ولك بقلبي منزلة
انا دخيـــــــلك بعد ربك لاتخلــــــيني شمات
أخاف اموت من القهر والا اني ابقى مهزلة
من يوم غبتي صارحالي من سكون ليا سكات
وأصبحتي المطـــلوب الأول للخفوق من الوله
تشتاق لك عيـــني مثل مااشتاق للماء النبات
ويحس بك قلــــبي مثل جهاز رصـــــد الزلزلة
غريق في حبك وابي ترمين لي طوق النجاة
وان كان ودك لي هلاك لاوالله الا مشكلة
تذكري الماضي وأنا لاجلك اسوي المعجزات
والا اسألي نفسك على المرآة بعض الأسئلة
قولى ترى هو مايزال يحبـــــــني حتى الممات
هو مايزال يشوفــــــني دايم لعيـــــــنه مذهلة
ياهيه ياللي ضحكتــــــك تعجز تطلعها النكات
ياللي ليـــــــا منك ضحكــــــتي كل شيٍ ينبله
حني على اللي لو عطا حاجه ابد ماقال هات
مايوم عن حبك سلا حتى ولا قلبه قلبه دله
وش جاك مني يا أبيض الخدين يازين الصفات
هذا غيـــــــابك قال للعـــــــذال زيدوا البلبلة
كم مرة قلتي ان حُــــــبك كالجبال الراسيات
وانك شمالي وان قلــــــبي متــــجه كالبوصلة
يابنت تكفين ارجعي لي لملمي باقي الشتات
ماعــــــــاد فيني صبْر وفراقك ماعاد اتحمله
كل العواذل حكيهم في مسمعي صاير شمات
انا انتهيت وصــــــار وضعي بين ربعي مهزلة
عودي ولك عندي معزه غير عن كل البنات
عودي وســــــط قلبي بنفس المرتبه والمنزلة
الخميس أكتوبر 31, 2024 3:22 am من طرف 
