شبر بهالوسيعه ملك ربي تعلمين..
واعلم ان الي خلقني هو خلق لك هالعيون..
لكن انتي من جلستي وانتي فيني تحدقين..
لكن انتي من جلستي وانتي فيني تحدقين..
كن مابه ناس غيري بهالكراسي يجلسون..
لو سمحتي عاد اسمعي وحتى لو ماتسمحين..
المهم اللي بقوله تسمعينه ويسمعون..
عالاقل ليا نظرتك سوي نفسك تستحين..
غضي طرفك مثل غيرك خوفي ربعي يلمحون..
الركاده عاده زينه والحياء في البنت زين..
وفيك جازم لا ركاده ولاحياء يذكرون..
تعرفيني؟! اعرفك؟! ما اذكر انا ملتقين..
لا اعرفك من تكوني ولاتعرفي من اكون..
واطماني ان كان قصدك بس فيني تشبهين..
ماهو انا الي تعرفيه والبشر يتشابهون..
ما دريتي من التشابه يخلق الله اربعين..
واعرف اربع يسبهنك لكن والله يستحون..
وان كان قصدك شي ثاني عاد قولي وش تبين..
خايف انا نصير فرجه واللي ما اشتروا يتفرجون..
واذا ببالك عاجبتني لا يحوشك تحلمين..
صح ربعي من جمالك فيك صار يمدحون..
بس وش لي في حلاتك دام فيها ترخصين..
حشمة البنت وحياها والكرامه يلفتون..
ولو توفر فيك هذا مع حلاتك تبشرين..
ماهو انا الف غيري باب بيتك يطرقون..
وش علامك رغم كل اللي اقوله وتسكتين..
مو طبيعي هالسكوت والبرود والسكون..
انتي خرسا اسالك ولا منتي تسمعين..
قالوا ربعي ذي كفيفه قلت لالا تمزحون..
لين شفتك يوم رحتييمسكونك باليدين..
مادريت الاعيوني اربع اربع يذرفون..
اه ياني شفت مشهد يوم شفتك ترحلين..
جيت اشوف عيون ربعي لقيت الكل يدمعون..
قلت سنة الحياه وحنا ترانا مؤمنين..
الله اللي مسيرنا بين كاف ونون ..
وكلنا نختلف مع اننا من اصل طين..
سبحان ياللي مصورنا ولله في خلقه شئون..
فينا ياللي رازقه رب العالمين..
وفينا ياللي هو لعطفه بحاجة القلب الحنون..
وفينا ياللي ما شكى من علة كالاخرين..
صم وبكم يالعفيفيه يالكفيفه ان قلت اسف تقبلين؟؟؟
يغفر الله ذنوب عبده ليا خطأ وهل تغفرون؟؟؟
وعمي وهم لا يفقهون..
بس قليل عاد فينا للنعم هم شاكرين..
والله يرزق هالخلايق من حيث لا يعلمون..
وتدري عاد يالكفيفه حنا ترانا متشابهين..
كل وان ما انعمت ابصارنا قلوبنا هم اللي يعتمون..