قصة خيالية اردنية ....

القصة الاصلية












لقيت هالقصه بابطالها في مكان ثاني بس بسيناريو مختلف:


كان يا ما كان في قديم الزمان و في سالف العصر و الاوان
بلد صغيرة جميلة يعيش فيها عائلة صغيرة مكونة من اب و ام وولد فقط
يصحى ابو عقلة من النوم خاف عقله و عاقد حواجبه
و ينظر الى ام عقلة بقرف و اشمئزاز
ابو عقلة: الله لا يسعد صباحك اي شو هعاليشه هاي الواحد بنام عوجه قرد و بصحى عوجه بوم
ام عقلة: يا زلمه اسكت و الك عين تحكي الله يلعن ابوي انا اللي قبلت فيك و بعدني ساكته على هالعيشه خليني اقوم احضرلك السم تتسمم و تنقلع
ابو عقلة: شيلي هاللحافات من فوقي مش قادر اتحرك انداري متى الله بده يهونها و نقدر نشتري كاز
ام عقلة: شايف شو الطقس زي اللي برجلك بره؟ ريحة المكب فايحه ومعامل الطوب من نص الليل بتطقطق و الغبره معبيه الدنيا
خليني اصحي عقلة يلحق يتحمم و يفطر و يروح على دوامه و بحضر الفطور
ابو عقلة :شوفي في عنا شي من طبيخ امبارح
ام عقلة تذهب لايقاظ عقلة ,تدخل غرفة عقلة المعفشكه اللي سباريس السكاير معبيه الدنيا و تراه نائما مشنقل رجليه اتشنقل
ام عقلة: عقلة اصحى يما الساعة ستة خلصني يعدمني ابوك
عقلة عامل حاله مش سامع
عقلة: شو بدك يما قززتينا الا تنكدي علي الحلمه؟..يا باي يما شو بموت من يوم الاحد بعد العطلة دخيل الله ما ازنخه
هيك ارجع ع دوامي ..انا يما ساق الله والله مريحني من القرف اللي انا فيه
ام عقلة: بس يما زي ما بوصيك دايما انت شرطي سير يعني خليك زلمه و اضبع الناس ضبع
عقلة: و لو يما..انا اصلا كل مواطن و كل مواطنة بدي اخليهم يتعوذوا من الشيطان لما يشوفوني بديش وصاة
يفطر ابو عقلة و ام عقلة و عقلة في جو من القرف العائلي الغير جميل
و يبزق ابو عقلة بوجه ام عقلة بعد ان تطلب منو ليره مصروف اليوم و يظل طالع
يذهب عقلة الى عمله مكشرا و يقف في مكانه على دوار عبدون
تمر سيارة مسرعة و يوقفها و يذهب للسائق و الشرر بقدح بعيونه
عقلة: رخصتك و رخصة السياره
المواطن: مشان الله يا سيدي والله ما سويت شي يا سيدي
عقله منتفشا: يا زلمه ليكون ما حدا عنه سيارات غيرك ولا يكون الشارع للي خلفك وشرفي لاخالفك
المواطن: ابوس ايدك يا سيدي ابوس رجلك والله امي مريضه و عندي عيال بدهم مصروف و مش لاقيين ناكل
عقله: مع انو خساره فيك بس مش مشانك مشان ولادك هاي خففت المخالفه من ام الخمسين لام الخمسه و عشرين
المواطنيمزع المخالفه و يركب سيارته و يشحط مسرعا من الموقع مع الكثير من المسبات و الدعاوي.
يتحدث عقلة لنفسه: يخرب بيته ما اوقحه بفكر اذا انو ببيعوا حشيش و معهم ملايين من وراها و بركبوا هالسيارات اني سائل عنهم
اللهم ( حسد ) انشالله نار و سعار عقلوبهم
ابو عقله في دوامة باحدى الدوائر الحكومية مسطل من النعس
والا يلتفت يمينا او يسارا
والا يحادث زملائه
وصار مطرقع بكرجين شاي
و صار حالل الكلمات المتقاطعة لكل الجرايد اليوميه بالبلد
و يبدا المواطنون بالتوافد على الدائرة التي تتسم بالكركبه الشديدة
و التي لا يوجد بها كراسي نظيفة جدا و مرتبة و الكراسي الموجوده مكسورة و مطبشة و مكتوب عليها
ولا حدا قاري ورق ولا يقفون بترتيب في طابور منظم مع الكثير من التأفف مع عدم احترام النظام و اعطاء الاولية لغيرهم
يقترب اول مواطن من ابو عقلة بحكي من راس خشومه
المواطن: عالعافيه خيوه
ابو عقلة: يا صباح يا فتاح يا رزاق يا عليم اهلين عموه خير شو بدك
المواطن: بس بدي توقعلي هالورقة
ابو عقلة: هات اشوف بس بدها توقعين تانين معاملتك مش عندي
لا يشكر المواطن ابو عقلة و بروح يدور عواسطه مشان يوقع التوقعين و لا تنتهي معاملتة خلال نصف ساعة و لا يغادر الدائرة و بعمل حس واصل لاخر الدنيا
يخرج للشارع و يوقف تاكسي
و يجلس قرب السائق الدواوين الذي لا تخلو سيارته من اية زينة او علبة كلينكس معلقة بالسقف كانها كوفي شوب بالحدائق
و التي لا يمنع فيها التدخين و يسمح فيها بالتحشيش
و يقود السائق سيارته بكل تهور و مجاكره
ولا بخلي منعطف الا بتجاوز عن اليمين و بشحط بريكات
و بعلمك اخر ما توصل اليه العلم من مسبات ولا ببقي ولا بخلي عالحكومة و الغلاء او المخالفات الغير موجودة اصلا
و لازم يفرض ارائه السياسية و نظرياته على الراكب
و لازم يبصق من النافذة
و تنتهي الرحلة و بتبلش سالفه لويش هالقد و انا اخر مره جيتها بهالقد وانت عدادك خربان
و وما بصدق انو ينزل من السياره مشان السائق ياكل الباقي بكل سرور لعدم وجود الكثير من الفكة بحوزته و ينطلق مشلـّفا
و يتابع السائق طريقه فرحانا بالنصر طائشا
يستمع لصوت عصام العمري الشجي على الراديو مشان يعرف وين في دوريات خارجيه و يبعد عنها
ولا يتوقف على اشارة المرور مشان ما يقترب منه الشحادين و بائعين الزهور و الالعاب و يزمر للذي امامه و يقرفه
و توتة توتة خلصت الحدوتة