هههههههههههههههههههههههههههههههه
كل الشكر جالودي
يعني خليتني ربع ساعة بضحك في المكتب والناس بتفكرني اهبل
والقصة طويلة كيف بدي احكيها الهم
المهم والله ذكرتني انا بس استلمت الراتب
يامعلم ما كذبت خبر ولأني خايف من ازمة رمضان وما بحب اعاني مثل المذكور اعلاه
نزلت على المؤسسة جنب الشغل اللي في العبدلي بتعرفها
واخذت صاحبي معاي لأني عارف المعاناة طبعاً
وطلعت بالعرباي مليانة غراض بقيمة 86 دينار وهذا كمان في غراض ناقصة
المهم يامعلم الدنيا نار مولعة حطينا حوالي 20 كيس على باب المؤسسة
صاحبي اذكر انه ما اشترى اشي بعد ما لفينا ساعتين في المؤسسة
المهم قلي استناني ويامعلم يمكن نص ساعة وانا واقف بالشمس وخايف اروح اناديه ينسرقوا الغراض
وتلفونه موبايلكم وتلفوني امنية وما في رصيد يعني لساتني ما شريت بطاقة
المهم اجا بعد ما صرت اتحممت بالعرق حمام من الآخر
لما طلع طلع حامل معاه شامبوا كلير واذكرت اني بحاجة لإثنين واحد ابيض للمدام وواحد ازرق الي
والله تركته واقف عند الغراض ورحت شريت الشامبو وبودرة لعبوده
وشوية اغراض لما شفتها اذكرتها
المهم كملت المبلغ على 100 دينار وشوي
والمشكلة الدنيا نار والسيارة كانت واقفة بعيد يعني مشيت نصف كيلو حتى رحت جبتها
وسيارتي بدون كندشن
جيت لصاحبي وحملنا الأغراض
اخرجت الليستة اللي طبعتها طباعة على الكمبيوتر حتى ما اخربط ورتب الاغراض من كل مكان اشي
اكيد اخرت صاحبي في الذهاب لمنزلة واضريت وصلته للهاشمي الجنوبي
وبعدين نزلت على بيت اهلي في المحطة يامعلم واخرجت القائمة وشطبت اللي جبته
وبلشت بدي اكمل مشتريات ، ولقيت على طرف القائمة شوية اغراض للوالد بده اياهم عشان عمار البيت
رحت شريت شوية بطاريات وحنفيات ومواد عشان الموسرجي
وعبيتهم بالسيارة
وطلعت على القائمة موز وتفاح وعنب
طلعت على السوق مرة ثانية شريت اللي بقدر احمله واللي ما بقدر اخرته للمشوار اللي بعده
طلعت مشوار ثاني وكملت بعض الاغراض اللي لقيته والباقي ما في المهم على سيرة الجبنة
اذكرت اني كل رمضان بحب اشتري جبنة شيدر من النوع الأصلي يعني مش البقرات ولا الشغلات الثانية
وقفت عند الصيدلية وشريت حليب لعبودة والدكان اللي بجيب من عنده الجبنة بجانب الصيدلية مباشرة ، فقلت
بس اطلع بشتري الجبنة ، المهم شريت حليب للشهر كامل عشان ما اطلع اشتري مشوار ثاني
وطلعت من الصيدلية ونسيت الجبنة يامعلم ، المهم صارت الدنيا المغرب وانا ما روحت على الدار
والأغراض ما كملوش ، قلت على الطريق وانا مروح على اربد بشتري الباقي
طبعاً وقفت حوالي 7 مرات على الطريق بشتري باقي الأغرض ووصلت الساعة تقريباً 10مساء للبيت
بعد ما كانوا رجلي تكسروا والمحلات سكرت وماكملت مشتريات ، وطبعاً بلشت اطلع النواقص واحسب الفلوس
وكان لسه ضايل دجاج ولحمة واشياء كثيرة والمدام بتسفط الاغراض وبتدور نواقع وبتذكرني ما جبت هاي وما جبت هاي ، بالآخر سكرت الدفتر وخبيت باقي الفلوس وقلت بكرة بنكمل ، ونمت عشان الصبح بدي اصحى الساعة 4 حتى اطلع على الشغل ، ولغاية مبارح يامعلم وانا بشتري الغراض والمشكلة الكبرى ما لقيت الجبنة المطلوبة في اربد ولليوم انا بستنى اروح مشوار على المحطة واجيب الجبنة لأنه المدام شرت من المؤسسة وحدة مشغشوشة ما بحب طعمها نهائياً ، وهاي كانت معاناة يوم واقعي حبيت اذكرها عشان اقول انه كلامك مزبوط وبصير بالواقع
والله يعينا على ازمة رمضان واجنان الناس ، المهم اني امنت باقي الاغراض فيما بعد وهيك بخفف من مشاوير رمضان والأزمة
السبت نوفمبر 23, 2024 8:35 pm من طرف mohdo
