وجهة نظر.....

[ندعوك للتسجيل في المنتدى أو التعريف بنفسك لمعاينة هذه الصورة]

الحبيب ابو صالح

موضوع رائع بصراحة

من وجة نظري ما في مهنة بالعالم تقومبأختيارها على الأخلاق

وهنا الأخلاق هي الصفات الداخلية للأنسن بمعنى

لأنه ممكن أجيبلك ميت واحد ما عندهم خلق بالمقابل بيحصلوا على شهادات حسن سيرة و سلوك بكل بساطة

عند التكلم عن المهنة أخي

فالشرطة هي العين الساهرة التي تبقى مفتوحة كي ينام الشعب بأمن و أمان

واعيد فنحن هنا نتكلم عن مهنة

وإن كان هناك خطأ بالتطبيق فروح المهنة لا ذنب لها

مهنة الشرطة من أسمى و أشرف المهن على مستوى العالم

وإن كان بعض الأفراد او الجماعات او السياسات قد اساءت الفهم لهذه المهنة

فهي تبقى المهنة الشريفة المساندة لأمن البلاد و الشعوب من الجراثيم الموجودة بها


دمت أخي العزييييييييييز ابو صالح

و الى الملتقى في وجة نظر أخرى



تقبل مروري الكريم صديقي

تحياااتي للجميع

[ندعوك للتسجيل في المنتدى أو التعريف بنفسك لمعاينة هذه الصورة]

يسعد مساك اخي ابو صالح..... ويسلمو على المواضيع اللي بتناقشها معانا.......بالنسبة للاعراس ..... اولا" العريس لازم يقهم انه راحة باله وسعادته اهم من ارضاء المعازيم.... ولازم يفكر بمصاريفه ... حتى ما يضل يدفع ديون طول عمره...واللي مش عاجبه ما يحضر العرس .... بالناقص منه...!!! وفي مثل بقول ..
( العروسه للعريس ..والجري للمتاعيس)
ليش يبلش حاله بقصص فاضية ينبسط هو والمدام ..ويطنش..كل العالم......
وبالنسبة للاختلاط..وهالقصص....اولا" نحمد الله انه في لسه نخوة عند الناس.... وفي لسه ناس بتغار على نساء بيتها.....والحمدلله.
في بعض الامهات بتتقصد انه تخلي من بنتها لعبة لما تروح تحضر عرس بحجة انه...( يمكن تلاقي نصيبها).. ليش تعملي بنتك فرجة... للّي بسوى وما بسوى...؟؟؟؟ النصيب اذا مكتوب راح ييجي عاجلا" ام آجلا".....وصدق اخي الكريم بالمقال اللي كاتبه ... شو بفرق طلب اصحابه عن حالة عرض عروسته يوم العرس.... عالحالتين فرجة..؟؟؟بس الطلب اللي طلبوه ظاهر ..والعرس المختلط مبطّن....الله يجيرنا ..... ويبعّد عنا هالعادات السيئة ...

اعراسنا وما ادراكم ما اعراسنا 
اولا ابو صالح اشكرك على اتاحه الفرصه لنا بمناقشه هذه الأفه الاجتماعيه الغير سوية أبدا في مجتمعنا الشرقي 
فان اعراسنا يا أبو صالح مرض عضال اصبح من الصعب علاجه طبعا نحن مع كلام رسولنا الكريم بضرورة اشهار الزواج سواء بوليمه أو بغيرها ولكن في عصرنا هذا قد حمل الناس أنفسهم ما لا يطقيونه استنادا لعادات غبيه تثقل كاهل العريس وأهله وهيه من أهم الاسباب للعزوف عن الزواج في ايامنا هذه 
رحت أنا ولقيت بنت الحلال منيحواتفقنا وحددنا موعد للعرسأولا العروس بدها صاله راقيه ،، أو فندق وليش بنت خالتها أحسن منها بغض النظر عريسها المسخم شو وضعه المادي يا سيدي طلعت بنت حلال جدا وقالت برضى بأي اشي واهلها اجاويد العريس نفسه ما برضى انه يكون أقل من غيره فبدمر حاله بالدين ويلجأ للبنوك والربى ويبدأ حياته الزوجيه بمعصية الله وبزواج خاسر 
ما علينا انا بدي احكي عن الحفلات الي بتصير عشان العرسوهاي الطامه الكبرى الوفات تنفق على ليله العرس وهيه الليله الوحيده بالعمر وهذه الليله لازم تكون غير مثل جده غير يعني ومميزه وحريقه منروح بنشوف فرقة تلعن أبوهم للناس وبطلعوا مصابين بقصر النظر وقلة السمع وببلش العلاج من السماعات الي بتخزق اذانهم وياريت ادريس العلاري يقرأ هالحكي عدا عن التعب الجسدي والنفسي والاجتماعي والاشرافي لاهل العريس وبتبلش بالنقطه الاولى الي بعزموا فيها الناس ويا خرابي اذا نسيوا حدا من اصاحبهم ولا قرايبهم بتروح بينهم أبديه خلص بلا هالمعرفه احسن مع انهم اذا فعلا عزموهم ممكن ما يجيوا من أصله ويقولوا العرس مش مهم المهم الموت 
ما علينا تعب وضيق نفسي وارهاق غير طبيعي يصيب كل اهل العريس وممكن يكون كمان اهل العروس اذا كانوا قرايب اذبح ولا تذبح شرب شرب ويطلعوا الناس يحكوا الله يخزيهم على هيك مناسف اللبن مفرفط واللحمه مش مستويه وصارت معنا في عشا قبل 3 أـيام في سهره من هالسهرات واول واحد حكى عن اللحمه أنا وهاظ أكل وهاظ ما أكل 
ولليش هاظ كله يعني ليش ما تكون ارعاسنا يوم واحد بس من 10 أيام       وتكون رايقه ولطيفه ويجتمعوا فيها لاهل والاصحاب بس وما في داعي نعزم كل البلد ونتباهى ونتخوث على حالنا يعني وانا بحكي عن الشعب الاردني الي 99% منه تحت خط الفقر 
يعني ما في داعي للنفاق الاجتماعي وكله كوم ولما يروح العريس يستلف من مرة اخوه الذهب عشان يلبس العروس قدام الناس او يروح يجيب ذهب فالسوووووووووووشو جابر اخته يعني احنا منموت بالكذب والنفاق حتى على حالنا وعداك ابو صالح عن المشاكل الي بتصير انا بعرف حالات واقعيه تم الطلاق بينهم لأنه العروس ما رضيت ترجع الذهب لسلفتها وقالت هاظ الي مش الها 
وخليها ع ربك يا رجل اي اعراس بتحكي انت العرس عنا مصيبه من الله بس ممكن انا نشوف اعراس هاديه جدا ورايقه ولمه ساعه واحده والله ببارك في العروسين وبأولادهم وبطلعوا عيله مثمره ومؤمنه بالله مش كفره وأولاد حرام
الله يجيرنا يا ابو صالح واهم اشي تتذكر اطلاق النار ( يا حبيبي )كل واحد بدو يعمل حاله زلمه بروح بشتري بخمسين دينار فشك ويصير يرمي وبصيب العريس وأبوه والاولاد الاصغار الي بالحفله وبنحبس عشرين سنه اذا ما راح اعدام لقتله 100 شخص في عرسولك يا زلمه شو بدي احكيلك تأحكيلك عن المصايب الي بتصير عنا
ودمتم في حفظ الله ورعايته  

لا حول ولا قوة الا بالله
وهاظ هو مربط الفرس
وليش الرجوليه يعني
وليش هالمسكينه تموت بسبب واحد غبي جاهل
حسبنا الله ونعم الوكيل

يسلمو ابو صالح على مواضيعك اللي فعلا" من اقوى المواضيع في جنيفا...
واسمحلي استبق الوقت واكتب تعليقي اليوم.....


مع انه الموضوع من غير حكي بيقهر وبوجع الراس.... بس لازم نحكي رأينا...


الخيانه......؟؟؟؟؟؟
وشو في بالدنيا ..اكبر واصعب من الخيانة.....؟؟؟؟؟؟؟؟
الانسان اذا في يوم من الايام بتعهد امام ربه اولا" والناس ثانيا" انه يكون صادق مع شريك حياته...ويعيش معه بكل حالات وظروف الحياة... بكون انسان محب ....بصدق ..بس اذا كان هالتعهد بس (_ كده وكده) ومرّت الايام وبلشت التفاهات تبلّش..والمسخرة..والمراهقة المتأخرة..والحقارة ان جازلي قول هالكلمة(مع اعتذاري ) ساعتها... الموت أشرف للشريك...؟؟؟؟ بتعرف ليش؟؟؟ يعني وحدة حطّت زوجها في مكانة عالية ..وما توقّعت منه اي شبهة في علاقاته ..وأعطته كل الثقة..والحرية..ييجي آخرتها يراهق بعد الزواج والاطفال والسنين اللي مرت طويلة..؟؟؟ والله عيب...!!
انا برأيي تموت أحسن ...ليش؟؟؟؟ لانه هو طالما أخطأ ما راح يتراجع عن خطأ هو مقتنع انه حقه الشرعي.....وطالما حس انه بحاجة غيرها ...فاذا" هي ماعاد لها لزوم....الاّللاطفال والطبخ والنفخ والصورة الكذابة للمجتمع...!!!
... فعلا" اذا كانت حاسة انها ما بتستاهل هالخيانة منه..تموت يا بجلطة.. يا تنشلّ ..يا تنجن احسنلها....؟؟؟؟؟

انا برأيي اللي بحس انه في بالدنيا مين ممكن يغنيه وينسيه رفيق عمره وحبيبه وشريكه...يتركه ....بالخير والتفاهم وبلاها الخيانه.. والله حلّل ابغض انواع الحلال النا.....الطلاق.... وهاد بيضل اهون من انه يكون في بحياة اتنين ....شخص تالت...!!!!

كلامي طبعا" موجّه لآدم الخائن...وحواء الخائنة...( مع انه صعبة والله كلمة حواء الخائنة..؟؟؟)

بس اكيد في من الشكلين في هالدنيا...والله يجيرنا من الشيطان وقصصه.....بس انا بدي اخاطب حواء اللي بتلف على آدم المتزوج..... ياستي هو تافه وعقله صغير ...شو بدك فيه ..آخرته راجع لبيته .....ولآدم اللي بيضيّع عقل حوّاء المتزوجة.... ياترى انت ممكن ترضى بهيك وحدة تكون زوجة الك ...ما بتخاف زي ما رمت زوجها ..ترميك..والكلام للجنسين....؟؟؟؟؟

وآسفه عالاطالة... وانشالله يصحو هالعالم ويبطلو تقليد اعمى لهالاجانب والكفار...

ابو صالح الجميل

لي عوده سيدي للمناقشه
لانه الموضوع خطير جدا

ويحتاج للكثير من التفكير قبل الكتابه


دمت عزا لنا ابا صالح

سيدي الكريم ابو صالح ...لم اقصد فقط هن الخيانة الزوجية.. كما فهمتني انت ... برأيي الفكر فيه خيانة... النظرة فها خيانة... الكذب فيه خيانة...والجفا عن الحبيب خيانه..!!

ما معنى ان يكون هناك طرف ثالث في حياة شخصين...اليست هذه خيانة ..بغض النظر عن اسباب وجوده.... ذكرتها... من يجد هناك عذرا" .... لوجود شريك جديد له غير شريك حياته.... فالانفصال هو الحل... لا الخيانة (بكل صورها)


سيد جالودي .... اعلم ان هناك ربما تكون بعض الظروف التي تجذب السخص الى طرف ثالث...سواء المرأة او الرجل... لكن لو أتينا لسؤال كل خائن او خائنة... ما سبب خيانتك... سيرمي شريكه بوابل من الاخطاء.... وهو سيكون الملاك الطاهر....
( على هيك مابضل حد الا بجيبله عشيق او عشيقه)


اخواني ... الموضوع جدا" خطير.. بس ليش ما نفكر ..... لو الانسان العربي ...رجع لسنن الدين والشرع ..واتذكر ولو للحظة انه في قلب بيغفر ..وبسامح .... وقرّب الناس من بعض ... والزوجين تعاملوا كانهم صفحة مفتوحه... ورضي كل واحد بنصيبه..وحاول انه يطوّر من صفات شريكه ليوصل للشي الليّ كان بتمناه.. شو بصير..؟؟؟ ما بنلاقي ساعتها لا طرف تالت ولارابع..؟؟؟؟


والانسان المسلم الصّح ...ما عنده كلمة عشيق في حياته ...اللي مو قادر يستمر من آدم الله اعطاه حق يتزوج؟؟؟ وحوّاء اللي وصلت لطريق مسدود ومو مقتنعه بنصيبها وبتحلم بفارس احلام مختلف تماما" عن اللي عندها... هاي باب الخلع مفتوح..؟؟؟!!! والله يريّح بالها ساعتها...!!..بغعيد عن الاثم والاخطاء

بسم الله الرحمن الرحيم

انا بدي ابلش بالحكي بأنه هالموضوع مهما وصل فيه الأ مر ما رح يكون الا سوى وجهة نظر يعبر عنها كاتب هذه الوجهه والاختلاف بالرأي لن يفسد للود قضيه

اتفقنا

ارجع لصلب الطرح الذي افضى لنا به أبو صالح والي شكله رح يرمينا رمية الأسود في قفص الأرانب

الرجل بين زوجته ودخول عشيقه في حياته غير زوجته
والمراه بدخول عشيق لحياتها وهي متزوجه وعلى ذمة رجل

أنا أولا أوجهه نقدي لأخي الرائع أبا صالح
متبني هذه الفكره
لأنه الطرح من أساسه مشروخ ولا يجوز التحدث أو النقاش به
وكما أفضت اختنا الكريمه قوت القلوب
لا وجود لمعنى كلمة عشيق في المنهج الاسلامي
انا اتفق مع من يتفق معي بأن الحب قد يتسلل الي قلب الرجل أو المرأه في وقت من الأوقات
أو نتيجه ظروف معينه
ولكن نسأل أنفسنا هنا أين شرع الله وسنن نبيه وتأثيرها فينا وعقيدتنا
في حالة تمت الموافقه ،، بان يرضى الطرفين بأن تبقى العلاقة عشق فقط ويكونو على علم ودرايه بانه لم يكن هناك اية ارتباط شرعي
فهنا سيدي نتأكد بأن الموضوع غير سليم ،، فأنا عندما احب ونبتعد هنا عن كلمة العشق
يجب أن يكون هناك أمل لهذا الحب أو نهاية أو طريق صحيح ينتهي اليه هذا الحب
ولكن ان كنت فقط افكر بأن يبقى الأمر عشق فقط
فأعتقد بأننا نتحدث هنا عن أمر لا يجب أن نتطرق اليه من أساسه
أبو صالح
أرجو أن تكون مساهمتي قد وصلت
تقبل مني خالص التقدير والاحترام

بالعكس اخي الموضوع ما فيه ما يمنع من النقاش ..لانه وللأسف هالشي موجود بعالمنا العربي.....


بس المشكلة انه الموضوع قوي وحساس كتير....
وان حاورت فيه آدم بلاقي لحاله الف سبب وتبرير..وبطلع مش غلطان... ونفس الشي حواء...
لذلك ما راح نوصل لشي لا بالحكي ولا بغيره.....

مابنقول الاّ الله يجيرنا من خرابيط هالبشر...والله يهدي كل شخص ......الشيطان بتلاعب بعقله
واخي ابو صالح ... بتضل مواضيعك من اقوى واهم المواضيع في جنيفا....
يسعد مساك

ابو صالح

مثل ما حكت قوت القلوب

الموضوع هو في غايه الحساسيه
وأراء الناس مستحيل تكون واحده

عشان هيك ممكن الحكي في هالموضوع والنقاش فيه يطول
وما في اي غلط بعرضه ابدا


وأشكرك سيدي على حسن المتابعه
وشكرا قوت القلوب على تواجدك وتواصلك الرائع

شكرا"أخي جالودي...على التعليق....... اي موضوع بنطرح اكيد له اهمية....
ويسعد صباحك انت والاخ ابو صالح

أبو صالح شو في عندك وجهات نظر ثانيه

يالله بدنا نتخرف