موضوع: وإذا يعني.. تضايقنا؟؟ الإثنين مارس 01, 2010 12:39 am
وإذا يعنى تضايقنا..؟ بنغيّر شى؟ وإذا مات الزهر فـ أجمل حدايقنا بنغيّر شى؟ وإذا بـ هدومنا ضقنا بنغيّر شى؟ كثير نمر بعض أحيان بـ ضيقة بال زعل صاحب وحاجة مال شتيمة شخص مايعرفك عتب قارئ ونزعل حيل نتضايق وإذا يعنى تضايقنا,,!
وإذا يعنى تضايقنا هى الضيقه بتكون الحل!! إذا كانت شموس الوقت تحرقنا هى الضيقه بتكون الظل!! إذا غابوا جميع الناس وتفارقنا هى الضيقه بتكون الخِل!!
وإذا يعنى تضايقنا..!! وكثير من التعب ذقنا وسهرنا الليل بيجى صبح ويفرقنا ونبكى سيل لين الدمع يغرقنا ولابه شخص فـ الدنيا بليا هم أحد ضايق سبب فاتورة الجوال أحد ضايق عشر سنين متزوج وربك مارزقه عيال أحد ضايق لأن البيت به صجه وزحام أطفال أحد ضايق من السكّر أحد ضايق لأنه نايم مبكّر أحد ضايق لأنه حبها بـ خبال أحد ضايق لأنه مامعاه ريال هموم أكثر من اللازم وتخنقنا سؤال الحال!! وإذا يعنى تضايقنا..؟
وإذا يعنى تضايقنا..! من اللاشى إلى اللاشى على اللاشى تخانقنا وندخل فى نوايا الناس أظن فلان يقصدنى أظن السيده فلانه تسب الآنسه فلانه عشان العانسه فلانه أظن الناس هنا بالحيل تكرهني أظن السيده فلانه تعالج من مرض نفسى أظن فلان غبى ويشابه الكرسى أظن فلان لها يكتب شعر حتى تغنى به أظن البنت بنت شيوخ أظن البنت لعّابه أظن البنت كذابه أظن البنت حطت (ورد) وسط(الرد) سبب من شان نتعرّف وأتقرف ترانا ناس فينا كذب وغبى منهو يصدقنا وإذا يعنى تضايقنا..!!
وإذا يعنى تضايقنا..! إذا راحوا وخلّونا نسوا كل الكلام العذب بكّونا وعرفنا بـ يوم بأن كل الحكايه كذب ملّونا وإذا خيّم علينا الليل ماأشرقنا وإذا ضقنا وصار الحرف حبال فى مشانقنا بعد هذا وإذا يعنى تضايقنا..!
وإذا يعنى تضايقنا..!! إذا هذا الزمن لبّسك ثياب ف يوم مو قدّك بتحط ايدك على خدّك وتبكى حيل إذا هذا البحر ضيّق ولايقدر على مدّك بتحط ايدك على خدّك وتبكى حيل إذا كل الجمر هذا عجز يصنع عطر ندّك بتحط إيدك على خدك وتبكى حيل إذا خدك طبع حزنه على يدك وعرّقنا أقول لك شى وإذا يعنى تضايقنا..!!
وإذا يعنى تضايقنا..! وطفينا دروب النور وعتّمنا المدن والدور ويتّمنا شجر وزهور وكتّمنا رقيق شعور وشتّمنا علو السور
عشان أشياء هى الأتفه من الأتفه من الأشياء
رجل خاين
" ماهى دوم الرجال تخون..!" وماهو باين وجود عيون خيانة بنت " ماهى كل البنات تخون..!" لكن أنت ترفرف من تنادى لك" حبيبى العاشق المجنون" وبعد هذا
وإذا يعنى تضايقنا..!!
وإذا يعنى تضايقنا..!
ومشوا عنّا كثير أصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنّا الشيح بعض فرقا كثير أكرم من التجريح بعض فرقا تجى جيّة دعا وتسبيح كثير أصحاب فارقنا ونسيناهم كأن كانت علاقتنا علاقة وقت مصالح وانتهت يمكن قرابة دم أو جيران يمكن تشابه هم يمكن واللى يهم ماضقنا وإذا يعنى تضايقنا..!!
وإذا يعني تضايقنا
بهدوء أكثر...!! وإذا يعني تضايقتي وجمعتي كل هـ العتمه ولا أشرقتي وقلتي في قرف مزمن : أحس الوقت مو وقتي!! وأحس أني تعبت أكثر من الأكثر من همومي
وقولي لطيحتك:
قومي..!!
وقولي لكل هذي الأرض: بآعلّي.. وإنطري غيومي!! تعبتي كثير تلومي النفس ويخنقك البكا ساعات!!! ولا واحد بحزنك حس بدفا العبرات!! وإذا يلمح أحد تقصير كذا من غير مانقصد هنا تنصب مشانقنا بعد هذا وإذا يعني.. تضايقنا؟؟
وإذا يعني.. تضايقنا؟؟
ابو صالح المساعد الإداري
تاريخ التسجيل : 06/12/2008عدد الرسائل : 4453العمر : 49الموقع : sweden العمل/الترفيه : مهندس ديكورالمزاج : v.good *** :
نقاط : 3537
موضوع: رد: وإذا يعني.. تضايقنا؟؟ الإثنين مارس 01, 2010 12:47 am
الدنيا لبستنا لبس مو.....لبسنا
والزمن مو ......زمننا
بس ليش نتضايق
واذا تضايقنا واذا يعني تضايقنا
فراشة
موضوعك يطرح تساؤلات عديدة لبعض من العادات السيئة في مجتمعنا بالتحديد...وليس كل المجتمعات
أمس في 8:35 pm من طرف mohdo
