من واقع اعراسنا

واحد تنين واحد تنين ألو ...ألو...ألو ... عللي شوي ... وطي شوي ... إذا سويتلك شي روح اشكي علي....
أهلا وسهلا بالشباب الطيبة ..... فرقة طيور الجنة... قصدي صقور الضاحيه ترحب بكم.. (كف من الشباب مع تصفير....
وليد الغشيم عالأورغ....محمد يوسف على الإيقاع .... يوسف شموط على الدرمز... ومطرب الحفلات الأول.... ومطرب الحفلات الأول..... ومطرب الحفلات الأول .... شريف الناري.. مين؟؟؟؟.. (كف من الشباب مع تصفير أوطى من الأول).......
استراحة خمس دقائق عشان أذان العشا.......شو انتو بلشتو

خلص الأذان ...........بلشت الحفلة..........والععععععععععععععععععععب......بس أسمع مني.... ياللي مجنني... أنا ال متعذب .. وغيري متهني... وكانت هاي أول مرة بسمع فيها هالأغنيه وكان يرددها الشباب كأنها نشيد وطني مع أداء نفس الحركات تقريبا بالإشارة إلى النفس عند جملة ( أنا ال متعذب ) والاشارة الى اللي بترقص معاه عند جملة ( وغيري متهني )... والهياج عند جملة ( اسمع بس اسمع يال عينك تدمع ).
الأغنية الثانية التي لاقت صدا منقطع النظير هي أغنية ( لأزرعلك بستان ورود) وكما هو الحال في أغنية ( بس اسمع مني ) تلاحظ التأثر العميق على وجوه الشباب ....مع رفع الايدي للأعلى والقفز بناءا على طلب المطرم ( فوق..فوق...فوق...فوق) عند كل فاصل في الأغنيه.

اساليب الرقص كانت تتراوح مابين رقصة السمكة الحامل الى رقصة خذله خيط.... ومن الرقص بالسيف والقنوه والدبسه إلى الرقص بالبف باف المشتعل والرقص بعصاية الكشاطة بوضعها على البطن من طرف وعلى بطن الشريك من الطرف الاخر وبدأ الهز مع مراعاة عدم إسقاط العصاه وكانت هذه رقصة (الكبل) معين أبو سن ومهند (الاو) زلمته ..........مع انو الحفلة مش مختلطة ؟؟؟؟؟.

كانت الحفله من جهة .... وحفلة تانيه ورا الصيوان من جهه أخرى..... تتضمن الحفلة التانية قناني ملفوفه بكياس سودا....شباب ما الهم علاقة بالحفلة ....( تكرار كلمة على راسي وحبيب ألبي ألف مره ) .....ومراجعه ياللي في بطنك في آخر الحفلة مع احتمال تعملها على حالك.

وبلشت الشباب تحيات ...أحلى تحية من معين أبو سن لشباب الضاحيه والمخيم ولأحلى عمار ابوبيضه حبيب ألبي وعلى راسي بأنواعها ساده و كزدره و بكل و تسلق و سقوط حر و مظلي و أنت والكراسي و قفزة ثلاثيه) وبطلب اغنية ربحي رباح ( سيبك من الفكر وسيبك ... سيبك وبلاش أوهام ... ده نصيبك هو نصيبك انشالله تروح لبنان, عمان , الشام ,اليابان, طهران اللومان......
وصارت كل الشباب تحيي ..... ببلاش .... وما لقينا المطرب الا وقال .......خلص .. الدكانه وسكرناها ... اللي بدو يحيي بدو يمد............يا ساتر شو زوء هالمطرب

كان الاحتفال _ بإشعال قناني البف باف هو المسيطر على الاجواء,وتوليع السلكة والشنطحة فيها و يتبع ذلك اطلاق نيران صديقه _ من السمات المميزه لحفلات الضاحية.
ومن ثم بدأت الشوبي..... حييييييييييييهم ..........هلا بال يلعب شوب....هلا برجال الشوبي..... واصطف الشباب في مظهر يبين مدى تماسك مجتمعنا ويدل على أن الوحدة العربية ليست حلما.
قرود يلعن عرضهم ..... كيف برقصوا هيك ....والله بعرسي ما رقصت هيك .... والمشكله انو نصهم مش معزوم وجايين هيك بلا دعوة .... وبرقص تقول العريس أخته....

على العموم مرة وحدة ما لقينا الا ابراهيم نصار ( وهو غير مدعو عالعرس لخلافات ثأريه بينه وبين العريس) هاجم من بعيد بدو يعلم عالعريس بالبومه اللي لابسها بايده الشمال ويشطب وجهه بالموس اللي بايده اليمين.
وكل الشباب هجموا عليه ( في منظر يدل برضو على تماسك مجتمعنا ) قبل ما يغتال كنيدي .... قصدي عمار أبو بيضه وشلوا عرضه قتل ومسبات من...... شوهالعمله البايخه يا ابن الدايخه ..... ومفكرها

عظيمه يا ابن اللئيمه.... وقول بيبسي ( وتستخدم للتطعيم ).....وروحوه من الحفله كفوف وشلاويط ... حتى انو الولاد الصغار بلشو يقولوله أوعى البويه... واتدعدر من هون ...وطير يا خنزير .

ومن فرحة امه لعمار ابو بيضه نزلت ترقص بين الشباب زي الغساله الاوتوماتيك.... وتهاهي زي الابريق الصفار .....وعمار مسك المايك وقال_ مع العلم انو الميكروفون مسمع الجبل التاني:_ بسيطه....هاضا اللي كنا بالزمانات ..........؟؟؟؟ جاي يعمل حاله زلمه ..... .

الدخان الرسمي لهذه المناسبة كان الفايسروي....والقداحة المعتمدة هي قداحة ام ضو....الحدث الأكثر تكرارا هو فتح البلوتوث بين الشباب اللي قاعدين علكراسي لنقل المشاهد الدينيه فيما بينهم.....المسبحة لم تفارق ايدي السكرانين دليل على عدم وجود شيئ يدعى صراع الحضارات....
وهكذا انتهت الحفلة عخير في الساعة الواحدة ليلا بعد أن اتت الشرطة وأخذت العريس بتهمة التستر على إطلاق العيارات النارية.

وانسم بدن ام العريس
.؟
.؟
.؟
.؟
.؟
.؟
.؟
.؟
.؟
.؟
لأنو الشرطة صادرت السماعات؟؟؟؟؟؟؟

للكاتب
احمد حسن الزعبي

[ندعوك للتسجيل في المنتدى أو التعريف بنفسك لمعاينة هذه الصورة]

زائر

ومن فرحة امه لعمار ابو بيضه نزلت ترقص بين الشباب زي الغساله الاوتوماتيك.... وتهاهي زي الابريق الصفار .....

حلوووووووه يسلمووو ابو صالح

فراشة.....تشبيه ام العريس بالغسالة الاوتوماتيك...هو تشبيه بلاغي مش اكثر

شكرا لتواجدك سيدتي الكريمة

[ندعوك للتسجيل في المنتدى أو التعريف بنفسك لمعاينة هذه الصورة]

[b]روووووووووووووووووعه ابوصالح...كل شي بالتفصيل الممل...يعطيك العافيه[/b

]

[ندعوك للتسجيل في المنتدى أو التعريف بنفسك لمعاينة هذه الصورة]

منتديات جنيفا الأروع ... الأحلى .... الأجمل .... الأمثل

حياك الله يا وحش

شرفتنا

وخلينا نشوفك عطووووووووووووووول

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شو أبو صالح

يا زلمه انت جاي فينا بالعرض شكلك

له له له

طيب لنا عوده

[ندعوك للتسجيل في المنتدى أو التعريف بنفسك لمعاينة هذه الصورة]

والله يا علوش هاد الواقع

ولسة الرقابة حذفت نص الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

» بالله عليكم واقع ولا مش واقع؟؟؟؟؟
» هذا واقع
» واقع و منطق ...
» كلمات لها واقع
» صور من واقع الحياه