لا للعنصريه

موضوع: لا للعنصريه الإثنين يوليو 20, 2009 5:15 am

اولا : كيف بعرف اذا انتا اردني او فلسطيني

الفلسطينيه :

اللقب : بلجيكي
اللون : اخضر
نادي كره القدم : الوحدات
لون الكوفيه : ابيض + اسود
الاكله : ملوخيه
الجريده : الدستور
مناطق النفوذ : كل المخيمات اهمها مخيم الوحدات حطين صلاح الدين البقعه مخيم جرش
شخصيات مفضله : جلاله الملكه رانيا العبد الله طارق خوري ( عضو البرلمان يقول طارق خوري بان مخيم الوحدات هو قطعه ارض محرره من الاردن وهو ايضا رئيس نادي الوحدات )

الاردنيه :

اللقب : هولندي او سويسري ( تستخدم بشكل اقل من بلجيكي )
اللون : ازرق سماوي
نادي كره القدم : الفيصلي
لون الكوفيه : ابيض و احمر
الاكله : منسف
الجريده : الرأي
مناطق النفوذ : عجلون الكرك معان
شخصيات مفضله : جلاله الملك عبد الله الثاني بن الحسين رعاه الله و الشهيد وصفي التل ( رئيس وزارء سابق اخمد ثوره الفلسطينيه اللي كانوا بحاولوا يقيموا دوله فلسطينيه بدل الاردن وطن بديل يعني و قام بحرق الفدائيين الفلسطينيين بعدها قام الفلسطينييون باغتياله بالقاهره )

نقطه مهمه : يتشارك الطرفان مناطق مثل الزرقاء و عمان مناصفه

مصطلحات عنصريه :
بلجيكي مقطع موصل
اردني راعي غنم
احنا ضبيناكو كان اليهود حرقوكوا
احنا عملناكو بني ادمين و جبناكو من ورا الغنم
طبعا هالكلمات سمعتها الفين مره تقريبا

المهم يقول ناهض حتر ( كاتب اردني متحرر سجن لفتره ثم هرب للبنان ) ان فلسطينيه الاردن 6 انواع رح اكتبهم بصياغه اخرى
1- فلسطيني و انا مالي : هاض الشب بحكيلك احنا انولدنا بالاردن و عشنا فيها هاي بلدنا و ما النا خص بفلسطين
2 - فلسطيني هاشمي : ولائنا للقياده الهاشميه اكبر من انتمائنا للاردن او فلسطين برايي هالحكي فستق فاضي
3 - فلسطيني انا عربي : الخطاب القومي اياه نبذ القطريه و الخ ...
4- فلسطيني مهاجر : يؤمن ان الاردن هو وطن المهاجرين زي امريكا يعني و هي دوله القانون لا فرق بالحقوق و الواجبات
5 - فلسطيني تبع مصلحه : احنا شاركنا بتطور البلد و عملنا مشاريع ( فعليا الفلسطينيين مسؤلين عن قطاع الخاص بشكل كبير )
6- فلسطيني و بحبش الاردن : هاد النوع خطير جدا و بضم عدد كبير من الفلسطينيين بحكوا انو الاردن هو سبب معاناه الشعب الفلسطيني و رح ييجي يوم الاردنيين يدفعوا الثمن و نطردهم من الاردن متل ما انطردنا حنا من بلادنا هاض النوع بسب على الاردن بالخفاء و بحبها بالعلن

المكان : ستاد عمان الدولي
الحدث : مباراه بالدوري بين الفيصلي و الوحدات
جمهور الفيصلي : واحد ثنين الشعب الهامل وين
جمهور الوحدات : هاي الاردن اردننا اردنيه ما بدنا
::::::::::::::::::::::::::::::::::::::::::::::::::
جمهور الفيصلي : الله عبد الله القدس هاشميه
جمهور الوحدات : فلتحيا المخيمات

انتهى ....

بعدى المباراه يتشابك الطرفين جمهور الفيصلي يشتم فلسطين جمهور الوحدات يشتم الاردن
مشهد ... علم الاردن يحرق بالمخيم بفرح غامر
جمهور الفيصلي يدوس علم فلسطين

النتيجه فلتحيا الامه العربيه

همسه في اذن الطرفين :

يا اردنيين يا شعبي و يا حبايبي مش ضروري كل ما دق الكوز بالجره نسمع الفلسطينيه كلام متل بلجيكي و غيرو ما حد احسن من حد و مش ضروري تعاملوا كانوا جاي يحتل بلدك و عيب كثير نسب على فلسطين كما انو من حقنا نفتخر انا اردنيين من حق الفلسطيني انو ينتمي لفلسطين و يرفع راسو

يا فلسطينيين يا اهل الضفه الاخرى الحبيبه انتمائك للاردن ما بنقص من كونك فلسطيني ما في اردني بكره فلسطين ولا حدا طايبلو الاقصى ينهدم بس لازم تحترم انو الاردني شاركك باغلى اشي عندو هو الوطن لو شاركت حدا رغيف خبز بتشكرو كيف لما يشاركك بوطنو و يعطيك جنسيه متلك متلو
فلسطيني او اردني كلنا اخوان

لا ومليون لا للعنصريه