قلب ٍ تزوّج غصـب
توي عرفت ان المحبه لها شان
....................... لا صارت بداخل قلوب الوفيين
يخفون فرحتهم ولكنها تبان
....................... تقرى كلام القلب والروح بالعين
الكل منهم للوصل دوم ضميان
....................... عشان يرويله عروق الشرايين
يفز قلبه لا تذكرله ازمان
....................... حتى لو انه قرب كل القريبين
ومن صارله راس الوفا كل عنوان
....................... يبشر براحه ما تجي للغنيين
هذي حياة اللي تهنوا بالاوطان
....................... والله لا يفرق جميع المحبين
عز الله اللي يترك الحب خسران
....................... ودنيا بلا حب ٍ تكدر ملايين
لكن وانا افكر تبعثرت احيان
....................... واقول وش اكبر مصيبه لهالحين
كتمتها بقلبي عن عيون خلان
....................... وطلـّعتها ماهو بكيفي من البين
تدري وش اللي يقهر القلب يافلان
....................... لا تاهت دروب المحبه لقلبين
قلب ٍ تزوج غصب ماهو بخوان
....................... وقلب ٍ تبي تتزوجه غصب بعدين
الجمعة مايو 24, 2024 8:26 am من طرف 
