algalodi المشرف العام
رقم العضوية : 2 تاريخ التسجيل : 01/05/2008 عدد الرسائل : 44997 العمر : 55 العمل/الترفيه : متقاعد المزاج : رايق والحمد لله نقاط : 56716
| موضوع: صفات الشاب الكذابصفات الشاب الكذاب الخميس يناير 13, 2011 12:10 am | |
| صفات الشاب الكذاب هذه المشاركه وصلتني عبر الايميل بتمنى تكون عبره لكل الفتيات
بلا طول سيرة عليكم هي تجربه شخصيه خدو الحكمة من تجارب الاخرين :
1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )
2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )
3 – بيتصل باخر الليالي وانتي بعز النوم او عم تحضري شي فلم عال mbc2 وبيسمعك اغاني حب ورومنسيه
متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغناي لانو معلا صوت بس شوي )
4 – بعد فتره تمتد بين اسبوعين و شهر (حسب شخصيتك هي الفترة ) وبعد ما تكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا .
5 – بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)
6 – هلق صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين (طبعا مو ضروري الجنه أي مكان اخضر و معزول بيكون منيح من اجل الرومنسيه)
7 – المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات
(وانتي بترضي لانك جدبه !!)
8 – بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)
9 – هلق بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيبوس ايدك و بيصيرو عيونو يدمعو بس'مو شرط' ( وهون انتي بتسخسي ما هيك ..... غبيه !!)
10 – هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبحبحي ايدك و بتصيري تتصلي و تسرقي موبايل البابا و الماما و اخوكي لتحكي معو ....... (no comment).
11 – بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...) وبيصير البوس يطلع من الايد لاماكن اخرى كالفم و بيشتغل الضم بلا طول شرح (وطبعا تفه عليكي .... تفه...) .
12 – ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) .
13 – اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .
14 – بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .
15 ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ...................... انا اهلي خطبولي ( وطبعا هاد كذب يا زوطة لانو ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلق بيحبك بس هي الظروف ..) اما اذا ابن حرام بيقلك حلي عني حاج تدقي على هاد الرقم ما حلك تفهمي ماني طايقك تضرب هديك الساعه ..... (sorry for you )
16 – اخيرا و ليس اخرا بعد ما تكوني اكلتي الجواب الصعب و بلشتي بكي لصارو عيونك حمر و مخاطتك متر
بيطبقك رفيقو الي حس بدناوتو لصاحبو معك (!!!!!!) و بس يطبقك يا عزيزتي بترجعي بتقراي الايميل
من الاول لانو الحمار استحى انو يوقع بنفس الجورة مرتين | |
|
سمسم عضو محترف
رقم العضوية : 652 تاريخ التسجيل : 27/03/2009 عدد الرسائل : 3080 العمر : 46 الموقع : مكة المكرمة العمل/الترفيه : اخصائي مختبر المزاج : طويل بال *** :
نقاط : 4152
| موضوع: رد: صفات الشاب الكذابصفات الشاب الكذاب الخميس يناير 13, 2011 6:18 pm | |
| واقع الا من رحم ربي تسلسل حلو و منطقي | |
|
وجد المساعد الإداري
رقم العضوية : 100 تاريخ التسجيل : 06/09/2008 عدد الرسائل : 30155 الموقع : https://genevaa.yoo7.com *** :
نقاط : 41430
| موضوع: رد: صفات الشاب الكذابصفات الشاب الكذاب الأربعاء يناير 26, 2011 3:31 am | |
| صحححححححح كثير شباب كدا الله يستر عليناوعلى بنات المسلمين الف شكر جالودي على الطرح يعطيك الف عافيه
| |
|