مطلوب عروس موظفة !! .. هل انت مع فكرة الزواج بإمرأة عاملة ؟؟؟

مطلوب عروس موظفة !! ..







بعيدا عن عالم الفقر والجوع والبطالة وارتفاع الاسعار، ثمة جانب في الحياة يمضي بوتيرة متناغمة لا توقفه عوامل اقتصادية او سياسية !

فعلى الرغم من سوء الاوضاع المادية عامة في الاردن، الا ان الاعراس تكاد تكون سمة الصيف لتشهد المملكة اعدادا وافرا من اعداد المتزوجين.

الزواج في الاردن يحتاج الى زوجة عاملة، فبالكاد يستطيع راتب الزوج ان يفي مصاريف البيت والاسرة، هذا رأي الغالبية العظمى من الاردنيين الشباب، في حين يقول البعض انه ليس بوسع المرأة التوفيق بين بيتها واسرتها وبين عملها بالخارج، وان الزوج هو المسؤول عن توفير احتياجات الاسرة حتى لو اضطر الى الاستدانة .

بين هذهين الرأيين، ما هو رأيك ايها القارئ بقضية الزواج من امرأة عاملة؟ هل انت مع أو ضد ؟؟ وما هي وجهة نظرك بالقضية .

تضع هذه القضية للنقاش من اجل حوار هادف ومن اجل الخروج بصيغة مشتركة نحو بناء عالم زوجي سعيد لا يتأثر بالعوامل الجوية السائدة في المناخ الاقتصادي الاردني المتدهور !!

انا شخصيا لا أحبذ ولا أوافق

ولا ليش أسمه رجل

عشان هيه الي تشتغل

اصلا تفقد المرأه أنوثتها في الشغل عدا عن المصايب الي بتصير من ورا شغلها

هوش على الراتب

ومين الي بدو يدفع الايجار وفاتوره المي والكهرباء وغيرها من المشاكل


الله يسترنا بس

تسلم جالودى على الموضوع
حتى انا بنظرى ضد انو المراه تشتغل لانه بصراحه مع شغلها راح تهمل بيتها وزوجها ومابيكون عندها وقت
تخلص امورها الشخصيه وانا بترجع من شغلها تعبانه ومهلوكه المراة مكانها البيت
لكى تبنى حياه اسريه سعيده

طيب هسا الي صوت لازم يعطي رئيووو هوووون


انا مع كل كلمه حكتهاااا يريق الامل

بريق الامل 
موسة المحتسب 
كل الشكر 

اما بالنسبة لوجد 
اولا أنا كان نفسي من الجماعه الي وافقوا يفوتو عندي هون ويحكولي شو الاسباب الي بتخليهم يوافقوا على الارتباط بمرأه عامله 
وهون القضية 
القضيه أنما أبحث أن أمرأة تشتغل عشان تساعدني عشان تصرف معي عشان تتحمل معي أعباء الحياه والى أخره 
يا جماعه صون النفس البشرية أصعب ما في الموضوع حاليا وانا أتكلم من منطلق اني موظف اكثر من 20 سنه وأعلم كيف هيه الموظفه ونحن نتكلم عن الموظفة المحترمه الي صاينه نفسها ومضطرة تعمل لانه زوجها اختارها بتشتغل أيووووون ركزوا معي ورب الكعبه تتعرض الموظفة الي عدة مصايب ممكن أنها تغير حياتها وتحولها الي جحيم وطلاق ودمار وتشتت أطفال ما الهم ذنب يا جماعه اتمنى من كل امرأه عامله انها تصارح نفسها لماذا تعمل لتحقيق ذاتها ذاتها تحقق في البيت وليس في الشارع وفي المواصلات وفي التاكسي عشان تروح على شغلها 
وتتعرض للاهانه من الناس الي ما بتسوى والتعليق و و و الخ 
كله عشان حقوق المرأه المزعومه 
يالله يا عرب 
وين المشاركه لا تخلوني بس أحكي لحالي يعني 

جيتك ابو جالود


انا كنت موظفه وما شفت الي بتحكي عنه وكان شغلي فيه رجال

بس كان كل واحد بحاله وبشغله هاد اولا

ثانيا اذا كانت موظفه قبل الزواج ورضيت انها تستمر وين المشكله بالعكس انا برايي انه الموظفه افضل من ربة البيت لانها بتقدر انها تهتم باولادها وشغلها وزوجها
والعمل بعطي المراه شخصيه واستقلاليه

وشكرا

سوار العسل 
نورتي في قدومك ويالله نحكي انك ما شفتي من هالحكي الي انا حكيته 
معناتو انتي كنتي موظفه في الجنه وثانيا انه المرأه العامله بتقدر تركز على بيتها وشغلها شو مال عمتك الله يرحمها كيف بدها تركز يعني ممكن تفهميني 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موظفه بالجنه



والله شكله انت موظف بجهنم الحمرا


بقترح اعطيك موعد لجلسات علاج سريع

والله يشفيك

ولك وحدي الله

هيك الواحد بحكي مع أخوه الأكبر منه

فعلا

كيف رح تكوني موظفه ناجحه وأنتي مش عارفه تتعاملي معاي أنا شخصيا

لا حول ولا قوة الا بالله

من اكبر المشاكل اللي ممكن تواجه الزواج هو عمل المراه
لانه يفقد الزوج المصداقيه ولو بعد حين
ثم انه شغلها لا يضيف اي شيء لحل المشاكل الماليه
لانه اصل الرزق انه مكتوب
وزيادة العمل ليس اساس لزيادة الرزق
ولكن تقوى الله هو مما يساعد على ذلك
مع احترامي لكافة الآراء
بس ضروري ان تكون المراه مهيئه لظروف الحياه
لانه الله بعلم ماذا يخبيء لها قدرها

اسماعيل غانم

شرفتنا حبيبي ونورت المنتدى

عين العقل صديقي

احنا ما منحكي عن المرأه ان جار علها الزمن وأضطرت تشتغل

احنا منحكي عن الرجل الي بدو على مرأه عامله عشان يصيرا جار البيت عليه والمي والكهرباء عليها

ويتقاسموا الحياه نصف بنصف الا عاد اذا انطرد من شغله وصارت تصرف عليه

هاي هي القضيه

فأعرف الكثير مش مستعدين أبدا يتزوجو الا موظفه

لانه الحياة صعبه


كل التقدير لمرورك سيدي ورأيك المنطقي جدااااا

انا اعلم اخي انك قصدت مساعدة الزوجه للزوج
ولكن تساعده بالبيت ويكتر خيرها وربك ببعت الايجار والفواتير ورزقها ورزق الاولاد ان شاء الله
قال تعالى
اعوذ باله من الشيطان الرجيم
بسم الله الرحمن الرحيم

ان هذا عدو لك ولزوجك فلا يخرجنكما منها فتشقى
صدق الله العظيم
ولم يقل فتشقيا
فكتب على ادم الشقاء
ورحم الله حواء

بالنسبه لرايي

انا مع انو المرأه تخرج للعمل
يعني غير انو ممكن تزيد من دخل الاسره ممكن توسع افاااق معرفتها
يعني المراه الي ما بتخرج للعمل او الدراسه
ممكن تكون حدود معرفتها المطبخ والطبخه بس ...............
والموظفه الي محافظه على حاالها مش ممكن تتعرض لمشاكل مش معقووله لانها محافظه :)
وهيك هي عملت الي عليها والباقي بتتركو لالله لانو ما في حياه بدون مشاكل

ماشي امون 
وشكرا لمرورك 
يا جماعه احنا محور الحديث 
هو انه الرجل يتزوج أو يختار شريكة حياته بشرط انها تكون موظفه 
هون القصه 
وأكيد يا امون مش كل الناس واحد فيهم الصالح وفيهم الطاللح 
ونتمنى من الله الستر في الدنيا والاخره 

الوحده تقعد في بيتها أحسن

انا هيك شايف