ضمير مستتر
عضو
تاريخ التسجيل : 03/05/2008
عدد الرسائل : 12633
العمر : 37
الموقع : www.genevaa.yoo7.com
العمل/الترفيه : دكتور الزهزهه
المزاج : صعب
*** : 
نقاط : 7790
 | | موضوع: الكلب الوافي (هـــاتشي) الأربعاء يونيو 16, 2010 6:56 am | |
| الكلب
الوافي (هـــاتشي)
--
وين الناس عن هالفيلم  ؟ ليه ما تم نزوله بشكل واسع بالسينما حتى ؟ لو
نزل متأكد بـ يربح كثير كثير ..
الشعب الامريكي يقدّر الكلاب .. وهذا احسن فيلم شفته يحكي عن كلب , وقصه
حقيقيه ومؤثره ! شي كبير صراحه ..
الفيلم رايق مره .. رائع .. بسيط وعميق .. احلى شي , موسيقى تمشي معاك طول
الفيلم مثل ما تفضلتي , يتحرك النبض مع دقات البيانو ..
موسيقى مؤثره في فيلم احداثه حلوه بشكل يتعب القلب , مره عجبني الفيلم .. شخصيات حلوه و مريحه ..
باركر .. معروف بمدينته الصغيره, بروفسور الموسيقى .. بـ روحته للقطار كل
صباح يمر على الكل ويسلم ويصبح عليهم ..
جدًا حلوه شخصيته, زوج وفي و صالح, يحب زوجته وتحبه زوجته, يحب بنته ويفرح
لها مثل ما بنته تحبه وتعتني بـ صديقه الاخير بعد وفاته ..
الفيلم يا ناس مافيه لقطة شريره وحده ! مافيه غير القطوه يوم تشمـّخ هاتشي  , هذا فيلم جدا طاهر من شوائب الحياه واعتقاداتها
الشينه ..
ماشفنا شخصيه شريره, مافيه شخصيه كرهناها .. كل اللي بالفيلم مريحين ..
ادوار حلوه و سلسه و يتقبلها المشاهد بكل اريحيه ..
اجواء الفيلم والمدينه الصغيره و محطة القطار حقتها .. بالموسيقى .. ياااه
.. جووو رائع بحق ! وش لنا بخرابيط التقنيات السينمائيه الحديثه هنا ؟ ..
فيلم يعبّر لك عن الاحاسيس الحياتيـّه الجميله , بعيد عن تفاهاتها و كلامها
الفاضي و مشاكلها عقيمة الحلول .. اللي مافيه فايده من الحكي بخصوصها ..
هالفيلم يعطينا زبدة الاشيا الحلوه .. بـ تفاصيلها الاحلى , انا متعجـّب
ومنبهر من شي .. الكلب ! الكلب ! الكلب يمـثـّل يا جماعه ! شفناه يتأثـّر
والعبره بعيونه ! ..
طبيعي نشوف كلب فرحان لا شاف صاحبه ويناقز ويلعب معه ويلحسه, لكن الكلب هذا
شفناه يتأثر بالفراق, يظهر التقدير لـ الآخرين ..
مشهد هاتشي مع بنت باركر يوم تفتح له السياج وتقوله مع السلامه اذا ودك
تروح روح ... مشهد روعه .. الكلب يستاهل عليه اوسكار ;p ..
حتى لحسته مو بس لحسة كلب وكذا , لحسها بعد ما فتحت له .. يعني يا بنت
باركر تراني اقدّر لك تفهمـّك .. واشكرك عليه, مشهد حلو ..
فكره حلوه بالفيلم هي إظهار المشاهد بالابيض والاسود من نظرة الكلب للعالم,
وفعلا الكلاب ماتشوف بـغير هـ اللونين! حاجه حلوه تحسب لـ المخرج اللي ما
استهان بـ عقلية المشاهدين ..
حركه حلوه جدًا .. نشوف الفيلم من منظور الكلب, نظراته وهو داخل الكوخ ما
بين الاخشـاب وسماعه لـ اصوات باركر و زوجته وضحكاتهم بالبيت ... نحس ان
هاتشي زي اللي عاتب على باركر ومشتاق له بنفس الوقت !
اغروقت عيناي بالدموع .. بـ مشاهد كثيره .. انتظار هاتشي و عيونه اللي تلمع وانكساره على
الدوار اللي قدام المحطه .. ..
مكان نومه الجديد اللي قضى فيه آخر سنينه عند سكة الحديد وتحت قطـار قديم
... بالليالي البارده الممطره .. منكسر هناك ومتعبه الانتظار والشوق ..
مشهد زيارة القبر من قبل زوجته و صديقه البروفسور الياباني .. يااه , والمشهد الاقوى يوم زوجته تشوف هاتشي بعد عشر
سنين .. وتجي جنبه تقوله ممكن انتظر القطار
الجاي معاك ؟
آخر مشهد لـ هاتشي يوم يحلم .. حلم بـ عزيز قلبه و مات بإنتظاره و وفـاءه .. حموده  | |
|
بريق الامل
مشرف
رقم العضوية : 2883
تاريخ التسجيل : 11/04/2010
عدد الرسائل : 22431
العمر : 41
*** :
نقاط : 29866
| | موضوع: رد: الكلب الوافي (هـــاتشي) الأربعاء يونيو 16, 2010 10:12 am | |
| | |
|
ضمير مستتر
عضو
تاريخ التسجيل : 03/05/2008
عدد الرسائل : 12633
العمر : 37
الموقع : www.genevaa.yoo7.com
العمل/الترفيه : دكتور الزهزهه
المزاج : صعب
*** :
نقاط : 7790
| | موضوع: رد: الكلب الوافي (هـــاتشي) الخميس يونيو 17, 2010 11:33 am | |
| بريق الامل  حموده | |
|
