يامسندي قلبي على الدوم يطريك
ماغبت عني وطيفك سمايا
هذه ثلاث سنين والعين تبكيك
ماشفت زولك زايرآ ياضنايا
تذكر حياتي يوم أشيلك وأداريك
وألاعبك دايم وتمشي ورايا
ترقد على صوتي حضني يدفيك
ماغيرك أحدآ ساكنن في حشايا
وليا مرضت أسهر بقربك واداريك
ماذوق طعم النوم صبح ومسايا
ياماعطيتك من حناني وبعطيك
تكبر وتكبر بالأمل يامنايا
لكن خسارة بعتني اليوم وشفيك
وأخلصت لزوجه ونا لي الشقايا
أنا أدري أنها قاسيه ماتخليك
قالت عجوزك ماأبيها معايا
خلتني وسط المصحه وأنا ارجيك
هذا جزآالمعروف وهذا جزايا
ياليتني خدامه بين أياديك
من شان أشوفك كل يوم برضايا
مشكوره ياوليدي وتشكر مساعيك
وأدعي لك الله دايمآ بالهدايا
أوصيت دكتور المصحه يعطيك
رسالتي وحروفها من بكايا
وأن مت لاتبخل على بدعاويك
وأطلب لي الغفران وهذا رجايا
وأمطر تراب القبر بدموع عينيك
ماعاد ينفعك الندم والنعايا